নিয়মীয়া বাৰ্তা ২২আগষ্ট:- বৰপেটা জিলাৰ কলগাছিয়া থানাৰ অন্তৰ্গত বলাইপাথাৰ গাঁৱৰ নয়ান আলীৰ পুত্ৰ নুৰ হোছেইন (১০) নামৰ কিশোৰজন বেঁকী নৈত পৰি মৃত্যু হোৱাত বৃহত্তৰ বলাইপথাৰ অঞ্চলত এক শোকৰ ছাঁ বিৰাজ কৰিছে। জানিব পৰা মতে নুৰ হুছেইন নামৰ ল’ৰাজন সমনীয়াৰ সৈতে বেঁকী নৈত গা ধুই থকা অৱস্থাত অকস্মাৎ নৈৰ প্ৰৱল কোবাল সোঁতে উটুৱাই লৈ যায় আৰু পিছলৈ পানীত ডুব যায় বুলি জানিব পৰা গৈছে। স্থানীয় ৰাইজে বহু সময় বিভিন্ন উপায়েৰে শিশু গৰাকীক বিচাৰি থাকে যদিও উদ্ধাৰ কৰিবলৈ সক্ষম নহয়।ঘটনাস্থলীত কলগাছিয়া আৰক্ষী থানাৰ আৰক্ষী উপস্থিত হৈ SDRF বাহিনীক ঘটনা স্তলীত আনে।
ইপিনে SDRF বাহিনীয়ে সুসজ্জিত হৈ অস্কিজেন লৈ পানীত নামিবলৈ প্ৰস্ততি লোৱাৰ সময়তে তাৰ পৰা অলপ আঁতৰত নাঁৱেৰে বিচাৰি থকা ব্যক্তি সকলে কিশোৰ জনক পানীৰ পৰা উদ্ধাৰ কৰিবলৈ সক্ষম হয়। মৃত্যু কিশোৰ জনক আৰক্ষীয়ে কলগাছিয়া আৰক্ষী থানালৈ লৈ আহে বুলি জানিব পৰা গৈছে।অতি কম বয়সীয়া কিশোৰ জনৰ মৃত্যুত অঞ্চলজুৰি এক শোকৰ বন্যা প্ৰভাৱিত হোৱা পৰিলক্ষিত হৈছে।