নিয়মীয়া ,বাৰ্তা ৩০ ডিচেম্বৰ: লখিমপুৰ জিলাৰ বান্দৰদেৱাত ,বিহপুৰীয়া আৰু বান্দৰদেৱা আৰক্ষীৰ তৎপৰতাত পুনৰ তিনজন ড্ৰাগছ সৰবৰাহকাৰীক ড্ৰাগছ সহ হাতেলোটে ধৰিবলৈ সক্ষম হয় ৷এটা কথা থিক যে সীমান্তৱৰ্তী বান্দৰদেৱা অঞ্চলত কিছু দিনৰ পৰা ড্ৰাগছৰ বিৰুদ্ধে আৰক্ষীৰ মাৰাথান অভিযান অব্যাহত আছে।
আজি দুপৰীয়া প্ৰায় দুই বজাত লখিমপুৰ জিলাৰ বিহপুৰীয়া আৰক্ষী থানাৰ আৰক্ষী পৰিদৰ্শক উৎপল বৰা আৰু বান্দৰদেৱা আৰক্ষী চকীৰ ভাৰপ্ৰাপ্ত আৰক্ষী বিষয়া নিপন গগৈৰ নেতৃত্বত চলা এক ড্ৰাগছ বিৰোধী অভিযানত নগাঁৱৰ পৰা ১৩ পেকেট ড্ৰাগছ কঢ়িয়াই অনা তিনি জন সৰবৰাহকাৰীক আটক কৰা হয় আৰু লগতে এখন কাৰ জব্দ কৰে। চাহিদুল আলি (২৬),ৰাজেশ মাঝী(২১) আৰু নগাৱৰ আজিজুৰ ৰহমানক (২৭)।
পথালিপাহাৰৰ টোলগেটৰ সমীপত গ্ৰাহকলৈ অপেক্ষা কৰি থকাৰ সময়তে আৰক্ষীৰ দলটোৱে নাটকীয় ভাৱে আটক কৰে তিনিওজন ড্ৰাগছ সৰবৰাহকাৰীক।
১৩ টা চাবোনৰ বাকচত কঢ়িয়াই অনা ড্ৰাগছ খিনিৰ মুল্য কেইবা লক্ষাধিক টকা হ’ব বুলি অৱগত কৰে ৷