নিয়মীয়া বাৰ্তা, ১৭ আগষ্টঃ আজিৰে পৰা আৰম্ভ হৈছে নিমাতীঘাট আৰু মাজুলীৰ মাজৰ ফেৰীসেৱা। লক ডাউনৰ বাবেই প্ৰায় এমাহ ধৰি বন্ধ হৈ আছিল ফেৰী। আজিৰে পৰা আৰম্ভ হোৱা ফেৰীত যাব পাৰিব ৫০ শতাংশ যাত্ৰী। প্ৰশাসনে বান্ধি দিয়া সকলো নিয়মো মানি চলিব লাগিব। সামাজিক দূৰত্ব মানি চলাৰ উপৰিও মাস্ক পৰিধান কৰাটো বাধ্যতামূলক।
মাজুলীৰ পৰা বিভিন্ন কামত যোৰহাটলৈ আহিব লগা আৰু যোৰহাটৰ পৰা মাজুলীলৈ যাব লগা বহু যাত্ৰীৰ বাবে সুচল হ’ল এই সেৱা। মাজুলীৰ অফলামুখ ফেৰীঘাট, দক্ষিণপাট ফেৰীঘাটকে ধৰি সকলো পাৰঘাটৰ পৰা নিয়মীয়া হ’ব চলাচল। বানপানীকে ধৰি ক’ৰোনাৰ বাবে বন্ধ হৈ আছিল ফেৰীসেৱা।