নিয়মীয়া বাৰ্তা, ২০ আগষ্টঃ দক্ষিণ কামৰূপৰ ছাটাবাৰীস্থিত ফেব্ৰিক প্লাছ প্ৰাইভেট লিমিটেডৰ পৰিচালন সঞ্চালক দিলীপ বৰুৱা যোৱানিশা ক’ভিডত আক্ৰান্ত হৈ গুৱাহাটীস্থিত হেল্থ চিটি হাস্পতালত চিকিৎসাধীন অৱস্থাত মৃত্যু ঘটে । মৃত্যুৰ সময়ত তেওঁৰ বয়স হৈছিল ৬৫ বছৰ ।
ঘটনাৰ বিৱৰণীত জানিব পৰা মতে, ক’ভিডত আক্ৰান্ত হৈ মৃত্যবৰণ কৰা দিলীপ বৰুৱা দীৰ্ঘদিন ধৰি দুৰাৰোগ্য ৰোগত অক্ৰান্ত হৈ আছিল । অসমৰ আধুনিক হস্ততাঁত বস্ত্রশিল্পক নতুন দিশেৰে আগবঢ়াই নিয়া দিলীপ বৰুৱাই মৃত্যুৰ সময়ত পত্নী, পুত্ৰ আৰু কন্যাক ইহ সংসাৰত এৰি থৈ যায় । দিলীপ বৰুৱাৰ মৃত্যুত অসমৰ ৰেচম শিল্পত বৃহৎ ক্ষতি সাধন হয় ।
বৰুৱাই ইতিমধ্যে ৰাষ্ট্ৰীয় আৰু ৰাজ্যিক পৰ্যায়ত কেইবাটাও বঁটা পাবলৈ সক্ষম হৈছে । সঞ্চালকগৰাকীৰ মৃত্যুত ছাটাবাৰীস্থিত ফেব্ৰিক প্লাছ প্ৰাইভেট লিমিটেডৰ সমূহ কৰ্মচাৰীবৃন্দই তেওঁৰ মৃত্যুত গভীৰ শোক প্ৰকাশ কৰাৰ লগতে শোকসন্তপ্ত পৰিয়ালবৰ্গলৈ সমবেদনা জনায় ।