নিয়মীয়া বাৰ্তা, ৯ মাৰ্চঃ ৬ সহস্রাধিক সমৰ্থক সহ মাৰ্ঘেৰিটাত অসম জাতীয় পৰিষদ ৰাজ্যিক সম্পাদক সঞ্জয় কুমাৰ দেৱে আজি ১২৪নং মাৰ্ঘেৰিটা সমষ্টিৰ বাবে মনোনয়ন পত্ৰ দাখিল কৰে। মাৰ্ঘেৰিটা চাংলাং তিনিআলিৰ পৰা প্ৰায় ৫ কিঃমিঃ পথ পদযাত্ৰা কৰি মাৰ্ঘেৰিটা মহকুমাধিপতি কাৰ্যালয়ত মহকুমাধিপতি সম্প্ৰতি গোস্বামীৰ হাতত মনোনয়ন পত্ৰ দাখিল কৰে।
বৃহত্তৰ মাৰ্ঘেৰিটা সমষ্টিৰ বিভিন্ন জনগোষ্ঠীয় ৰাইজে আজিৰ এই মনোনয়ন পত্ৰ দাখিলৰ বাবে কৰা শোভাযাত্ৰাত অংশগ্ৰহণ কৰে। আজিৰ সঞ্জয় কুমাৰ দেৱৰ মনোনয়ন পত্ৰ দাখিল কাৰ্যসূচীত অংশগ্ৰহণ কৰে অসম জাতীয় পৰিষদৰ সম্পাদক জগদীশ ভূঞাই।
সম্পাদক ভূঞাই সংবাদ মাধ্যমৰ আগত কয় যে মাৰ্ঘেৰিটাত অসম জাতীয় পৰিষদৰ জয় নিশ্চিত। ইয়াত দীৰ্ঘকাল জনসাধাৰণে সামাজিক ন্যায় পোৱা নাই। এইবাৰ সঞ্জয় কুমাৰ দেৱৰ নেতৃত্বত ৰাইজে ন্যায় পাব। লগতে মাৰ্ঘেৰিটা সমষ্টিত মূল যুঁজখন বিজেপিৰ লগতে হোৱাৰ কথাও প্ৰকাশ কৰে অসম জাতীয় পৰিষদৰ সম্পাদক জগদীশ ভূঞাই।