নিয়মীয়া বাৰ্তা, ১৩জুলাই: “বিটিচি বাসীৰ বাবে আজি এটা ঐতিহাসিক দিন। বিপিএফে বিটিচিত ৰাজ্যপাল শাসন প্ৰদানৰ বিৰোধিতাৰে দাখিল কৰা পিটিচন আজি উচ্চতম ন্যায়ালয়ে খাৰিজ কৰে। গতিকে বিটিচিত চলি থকা অপশাসনৰ সমাপ্তি ঘটাই আজি এটা শুভ দিন বুলি ধৰি ল’ব পাৰি। এইক্ষেত্ৰত বিটিচিবাসী ৰাইজে আজি অন্ততঃ সকলোৱে এগচিকৈ বন্তি এগছি বা ম’মবাতি জ্বলাব লাগে।” –এই মন্তব্য ৫ নং কোকৰাঝাৰ লোকসভাৰ সাংসদ নৱ কুমাৰ শৰণীয়াৰ।
আজি চিৰাং জিলাৰ বিজনীত বান পীড়িত অঞ্চল পৰিদৰ্শন কৰি বিজনী মহকুমাৰ মহকুমাধিপতিক সাক্ষাৎ কৰাৰ অন্তত সংবাদ মাধ্যমৰ সন্মুখত এনেদৰে মন্তব্য কৰে।