নিয়মীয়া বাৰ্তা,৭ফ্ৰেব্ৰুৱাৰী : নগাওঁ চহৰৰ সমীপৰ শংকৰদেৱ শিশু বিদ্যা নিকেতন,শেনচুৱাত আজি ২৪সংখ্যক প্ৰতিষ্ঠা দিৱস উদযাপন কৰা হয়। পুৱা বিদ্যালয় পৰিচালনা সমিতিৰ সভাপতি সুনীল চন্দ্ৰ নাথে পতাকা উত্তোলনেৰে প্ৰতিষ্ঠা দিৱসৰ শুভাৰম্ভ কৰে।
বিদ্যালয়ৰ প্ৰতিষ্ঠাপক সভাপতি প্ৰয়াত মহেশ্বৰ বৰঠাকুৰ,ভূমিদাতাৰ পিতৃ-মাতৃৰ প্ৰতিচ্ছবিৰ সন্মুখত বন্তি প্ৰজ্বলন কৰে প্ৰাক্তন সভাপতি জগন্নাথ মহন্তই। শ্ৰদ্ধাঞ্জলি অৰ্পণ কৰে প্ৰাক্তন সভাপতি তৰুণ মহন্তই। বৃক্ষৰোপণ কৰে সমাজকৰ্মী পুষ্পেন্দ্ৰ হাজৰিকাই আৰু ৰাজীৱ বৰাই। দিৱসৰ লগত সংগতি ৰাখি ছাত্ৰ-ছাত্ৰীৰ মাজত আয়োজন কৰা মুকলি কুইজ প্ৰতিযোগিতা উদ্ধোধন কৰে-প্ৰধান আৰ্চাৰ দেৱেন বৰা আৰু কেশৰাম নাথে।
সমগ্ৰ অনুষ্ঠানৰ আঁত ধৰে বিদ্যালয়ৰ পৰিচালনা সমিতিৰ সম্পাদক ৰাজু বৰাই। অনুষ্ঠানত বিদ্যালয়ৰ শিক্ষক-শিক্ষয়িত্ৰী, পৰিচালনা সমিতিৰ বিষয়ববীয়া,অভিভাৱক আৰু ছাত্ৰ-ছাত্ৰীয়ে অংশগ্ৰহণ কৰে। অনুষ্ঠানৰ আৰম্ভণিতে লতা মংগেশকাৰৰ মৃত্যুত গভীৰ শোক প্ৰকাশ কৰি ১ মিনিট মৌন প্ৰাৰ্থনা জনোৱা হয়।
প্ৰেৰক কনক হাজৰিকা