মৰিগাঁৱৰ চৰাইবাহীত সদৌ মৰিগাঁও জিলা নাথ যোগী সাহিত্য সংস্কৃতি সন্মিলনৰ উদ্যোগত নাথ যোগী জাতীয় অভিবৰ্তনৰ সামৰণি

নিয়মীয়া বাৰ্তা ১২ ডিচেম্বৰঃ মৰিগাঁও জিলাৰ চৰাইবাহীত আজি প্ৰথম বাৰৰ বাবে অনুষ্ঠিত হোৱা সদৌ মৰিগাঁও জিলা নাথ যোগী সাহিত্য সংস্কৃতি সন্মিলনৰ জাভীয় অভিবৰ্তন এক উৎসৱ মুখৰ পৰিবেশত অনুষ্ঠিত হয় । যোৱা নিশা পুৰোহিত সন্মিলন সভাৰে আৰম্ভ হোৱা অভিবৰ্তনত লক্ষীৰাম নাথক সভাপতি ,অজিত নাথক সম্পাদক হিচাবে প্ৰাদেশিক পুৰোহিত সন্মিলনীৰ নতুন সমিতি গঠন কৰা হয় । আজি পুৱা যোগ শিবিৰেৰে অভিবৰ্তনৰ মূল অনুষ্ঠানৰ আৰম্ভ কৰা হয় । যোগ শিবিৰ পৰিচালনা কৰে তৃঞ্চা দেৱী আৰু বসন্ত নাথে । সমূহীয়া স্বচ্ছতা অভিযান , বৃক্ষ ৰোপন , বন্তি প্ৰজ্বলন ,পতাকা উত্তোলন , স্মৃতি তৰ্পণৰ পাছতে অনুষ্ঠিত হয় বিশ্ব শান্তিৰ বাবে ৰুদ্ৰযজ্ঞ, এই যজ্ঞ অনুষ্ঠানতে শতাধিক কিশোৰক সমূহীয়া উপনয়ন প্ৰদান কৰা হয় পুৰোহিত শশী মোহন দেৱ নাথৰ তত্বাৱধানত। পুৱা ১০ বজাত অভিবৰ্তনৰ মূল প্ৰৱেশদ্বাৰ উন্মোচন উন্মোচন কৰে হীৰেন চন্দ্ৰ নাথে , বিপনীৰ দ্বাৰ উন্মোচন কৰে অনিল চন্দ্ৰ নাথে । ১১ বজাত অঞ্চল টোৰ এশ গৰাকী বিশিষ্ট ব্যক্তিক সম্বৰ্ধনা জনোৱা হয় । দুপৰীয়া ১২ বজাত অনুষ্ঠিত হয় জাতীয় অভিবৰ্তনৰ মুকলি সভা । সদৌ মৰিগাঁও জিলা নাথ যোগী সাহিত্য সংস্কৃতি সন্মিলনৰ সভাপতি লক্ষ্য জ্যোতি নাথৰ সভাপতিত্বত অনুষ্ঠিত মুকলি সভাত উদ্দেশ্যে ব্যাখ্যা কৰে সম্পাদক জিতুমনি নাথে । অসম প্ৰাদেশিক যোগী সন্মিলনীৰ সভাপতি ড. অৰুণ কুমাৰ বৰাই উদ্বোধন কৰা অভিবৰ্তনত আদৰণি ভাষণ প্ৰদান কৰে আদৰণি সমিতিৰ সভাপতি ড. কমল চন্দ্ৰ নাথে ।

অভিবৰ্তনত নিদিষ্ট বক্তাৰ ভাষণ প্ৰদান কৰি উৰিষ্যাৰ নাথ গুৰু যোগেশ্বৰ মহন্ত শিৱনাথ জী মহাৰাজে নাথ যোগী সকলৰ অতীতৰ বিভিন্ন কাহিনী আৰু যোগী জাতিৰ ইতিহাস ব্যাখ্যা কৰি অতি গৰিমামণ্ডিত জাতিটোৰ সকলোকে একত্ৰিত হৈ আগবাঢ়িবলৈ আহ্বান জনায় কয় , ” নাথ ধৰ্ম এটা ৰাজ ধৰ্ম , নেপালৰ ৰজাকে ধৰি বহু ৰাজৰ গুৰু আছিল নাথ গুৰু সকল ,আজিও বহু মঠ মন্দিৰত নাথ গুৰু আজিও আছে । সভাত ভাষণ প্ৰদান কৰি অসম প্ৰাদেশিক যোগী সন্মিলনীৰ প্ৰাক্তন সভাপতি ধীৰেন নাথে এক দীঘলীয়া লিখিত ভাষণ পাঠ কৰি অসমত থকা নাথ যোগী সকলৰ অতীত , বৰ্তমানৰ বিভিন্ন দিশৰ আলোচনা কৰি জাতিটোক একত্ৰিত কৰিবলৈ লবলগীয়া দিশ সমূহৰ বিষয় আলোচনা কৰে । ড. দিনেশ কাকতি নাথ , সদৌ অসম নাথ যোগী ছাত্ৰ- সন্হাৰ সভাপতি ,সম্পাদক লক্ষণ নাথ আৰু অৰবিন্দ নাথ আদিয়ে নাথ যোগী জাতিৰ বিভিন্ন সমস্যা আৰু অভাৱ অভিযোগৰ সমাধানৰ উপায়ৰ সূত্ৰ সমূহ আলোচনা কৰে ।স্বৰ্গীয় বীৰেন্দ্ৰ কুমাৰ নাথ সোঁৱৰণি মঞ্চত আয়োজন কৰা সভা খনিতেই ডা. ৰঞ্জিত কুমাৰ নাথে স্বৰ্গীয় পিতৃ পুস্পেন্দ্ৰ কুমাৰ নাথৰ সোঁৱৰনত প্ৰকাশ কৰা ” যোগী চৰিত” গ্ৰন্থ খন উন্মোচন কৰে বৰখলা সমষ্টিৰ বিধায়ক কিশোৰ নাথে , আদৰণি সমিতিৰ সভাপতি ড. কমল চন্দ্ৰ নাথৰ ” চতুৰানন” ।নামৰ গ্ৰন্থ খন উন্মোচন কৰে প্ৰাদেশিক যোগী সন্মিলনীৰ সভাপতি ড. অৰুণ বৰাই ,” সপোন” নামৰ গ্ৰন্থ খন উন্মোচন কৰে বিশিষ্ট সাহিত্যিক ড. দিনেশ কাকতি নাথে । সভাত নাথ যোগী উন্নয়ন পৰিষদৰ অধ্যক্ষ বেনুধৰ নাথ , প্ৰশান্ত নাথ ,ড. হৰ কুমাৰ নাথ , সাহিত্যিক ত্ৰৌলিক্য মোহন নাথ , ড. কুলেন্দ্ৰ নাথ , দম্বৰুধৰ নাথ , নিত্যানন্দ কাকতি , চিত্ৰলেখা চৌধুৰী ,আদিয়ে অংশগ্ৰহণ কৰে ।সভাত জনপ্ৰিয় শিল্পী কৃষ্ণ মনি নাথে এটি গীতৰ এলবামো উন্মোচন কৰে । সন্ধিয়া নগাঁও লোকসভা সমষ্টিৰ সাংসদ প্ৰদ্যৎ বৰদলৈয়ে সাংস্কৃতিক সন্ধিয়া উদ্ধোধন কৰে ।