নিয়মীয়া বাৰ্তা, ১২ মাৰ্চঃ কনৰাড চাংমাৰ এন পি পি দলে বৃহস্পতিবাৰে দ্বিতীয়খন প্রার্থী তালিকা প্রকাশ কৰিছে৷
দলটোৱে দ্বিতীয় পৰ্যায়ৰ নিৰ্বাচনৰ বাবে ৮ টা সমষ্টিত প্ৰতিদ্বন্দ্বিতা কৰিব। দলটোৱে পূব গুৱাহাটীত প্ৰাৰ্থী প্ৰদান কৰিছে ৰাজ প্ৰসাদ শইকীয়া, পূব গোৱালপাৰাৰ পৰা আবুল কালাম হুছেইন, বোকাজানত ডেভিড চেব ৰেংমা, হাউৰাঘাটৰ পৰা চ’মাং টেৰন, ডিফুৰ পৰা ৰাজেন টিমুং, মানকাছাৰৰ পৰা আমিনুল ইছলাম, বঙাইগাঁৱত প্ৰভাত বৈষ্ণব, পশ্চিম গোৱালপাৰাৰ পৰা আব্দুল বাটেন শিকদাৰক প্ৰাৰ্থিত্ব প্ৰদান কৰিছে।
মূলত “ওৱান ভইছ, ওৱান নৰ্থ ইষ্ট” মূলমন্ত্ৰ আগত ৰাখি নিবনুৱা সমস্যা, বানপানীৰ সমস্যা, শিক্ষাৰ প্ৰসাৰৰ এজেণ্ডা লৈ এইবাৰ অসম বিধানসভাৰ সাধাৰণ নিৰ্বাচনত অৱতীৰ্ণ হ’বলৈ ককালত টঙালী বান্ধিছে কনৰাড চাংমা নেতৃত্বাধীন এন পি পি দলে।
