নিয়মীয়া বাৰ্তা, ২০ আগষ্ট: ধুবুৰীৰ আৰক্ষী অধীক্ষক আনন্দ মিশ্র ক’ভিডত আক্রান্ত হোৱা বুলি জানিব পৰা গৈছে৷ ধুবুৰী জিলা প্রশাসন অথবা আৰক্ষীৰ তৰফৰ পৰা এই সন্দর্ভত এতিয়ালৈ একো সদৰী কৰা নাই যদিও স্বাস্থ্য বিভাগৰ এক সূত্রযোগে বুধবাৰে আৰক্ষী অধীক্ষকগৰাকীৰ এণ্টিজেন টেষ্টৰ ফলাফল পজিটিভ অহা বুলি জানিব পৰা গৈছে৷
বর্তমান আৰক্ষী অধীক্ষকগৰাকীক ধুবুৰী চহৰৰ জিটিবি ৰোডস্থিত আৰক্ষী অতিথিশালাত আছুতীয়াকৈ ৰখা হৈছে৷ উল্লেখ্য যে যোৱা ১৭ আগষ্টত ধুবুৰী সদৰ থানাৰ এটি নৱনির্মিত ভৱন আনুষ্ঠানিকভাৱে মুখ্যমন্ত্রী সর্বানন্দ সোণোৱালে উদ্বোধন কৰিছিল আৰু সেই অনুষ্ঠানত আৰক্ষী অধীক্ষকগৰাকীও উপস্থিত আছিল৷