নিয়মীয়া বাৰ্তা ২১ জুলাইঃ ৰঙিয়া ৰে’ল ষ্টেচনত টহলদাৰী আৰ পি এফে অভিযান চলাই মানৱ সৰবৰাহকাৰীৰ কবলৰ পৰা ৫গৰাকী কিশোৰীসহ ১৫ যুৱক–যুৱতীক উদ্ধাৰ কৰে৷ লগতে এগৰাকী মানৱ সৰবৰাহকাৰী মহিলাক আটক কৰিবলৈ সক্ষম হয়৷ উদ্ধাৰ হোৱা আটাইকেইজনৰ ঘৰ শোণিতপুৰ জিলাৰ অন্তর্গত ৰঙাপাৰা আৰু বিন্দুগুৰিত৷
মঙলবাৰে দিনৰ ভাগত ৰঙিয়া ষ্টেচনত ৰে’ল আৰক্ষীয়ে অভিযান চলাই ৫গৰাকী কিশোৰী, ৫গৰাকী যুৱতী আৰু ৫জন যুৱকক উদ্ধাৰ কৰে৷ চাবিনা নায়ক নামৰ মহিলাগৰাকীক মানৱ সৰবৰাহত জড়িত থকাৰ অভিযোগত আটক কৰে৷ সৰবৰাহকাৰীয়ে আটাইকেইজনক মুম্বাইৰ মাছৰ কোম্পানীত কাম কৰাৰ প্রলোভনেৰে নিবলৈ ওলোৱা মুহূর্তত জিআৰপিএফৰ অভিযানত উদ্ধাৰ কৰা হয়৷
উল্লেখ্য যে লকডাউনৰ সময়তো দৰিদ্রতাৰ সুযোগ লৈ এচাম পৰিয়ালৰ কিশোৰ–কিশোৰীক মানৱ সৰবৰাহকাৰী চক্রই এনেদৰে বহিঃৰাজ্যত বিক্রী কৰি আহিছে৷