নিয়মীয়া বাৰ্তা, ১ ফেব্ৰুৱাৰী:-ৰঙিয়াত আজি পুৱতিনিশা আৰক্ষীয়ে অভিযান চলাই এজন দুৰ্ধৰ্ষ ডকাইতক গ্ৰেপ্তাৰ কৰিবলৈ সক্ষম হয় । ধৃত ডকাইতজনৰ পৰা .৩২ পিষ্টল উদ্ধাৰ কৰে । ধৃত ডকাইতজন হৈছে ৰঙিয়াৰ খন্দিকৰৰ জিতেন দাস ।
যোৱা শনিবাৰে ৰঙিয়াৰ এগৰাকী ব্যৱসায়ীক পিষ্টল দেখুৱাই চাৰি দুৰ্বৃত্তই লুটি লৈ গৈছিল প্ৰায় ২৫ হাজাৰ টকা । ঘটনা সন্দৰ্ভত ভুক্তভোগী ব্যৱসায়ীজনে ৰঙিয়া থানাত এজাহাৰ দাখিল কৰিছিল ।
আৰক্ষীয়ে উক্ত গোচৰৰ ভিত্তিত তদন্ত চলাই দুৰ্ধৰ্ষ ডকাইতজনক গ্ৰেপ্তাৰ কৰে । আনহাতে বৰ্তমানেও ধৃত ডকাইতজনৰ তিনি সহযোগী পলাতক হৈ আছে । আৰক্ষীয়ে উক্ত পলাতক ডকাইতৰ সন্ধানত অভিযান চলাই আছে ।