নিয়মীয়া বাৰ্তা, ৩০ মেঃ আমচৈ চাহ বাগিচাৰ ক’ৰোনা আক্ৰান্ত হৈ ক’ভিড কেয়াৰ কেন্দ্ৰত থকা ৬৭ গৰাকী ক’ৰোনা আক্ৰান্তৰ ভিতৰত ৩৩ গৰাকী ক’ৰোনা আক্ৰান্ত ই সুস্থ হৈ ঘৰলৈ উভতি যোৱা বুলি বাগিচাখনৰ চিকিৎসালয় সূত্ৰে জানিব পৰা গৈছে । যোৱাকালি আক্ৰান্ত হোৱাসকলৰ ৩৩ গৰাকীৰ পুনৰ স্বাস্থ্য পৰীক্ষা কৰা হয় আৰু ইয়াৰ ভিতৰত ২২ গৰাকী ক’ৰোনা আক্ৰান্তৰ শৰীৰত ক’ৰোণাৰ লক্ষণ পোৱা নগ’ল । দুদিনৰ আগতে একেদৰে কৰা পৰীক্ষাত ১১ গৰাকীক পৰীক্ষা কৰি ক’ৰোনা মুক্ত পোৱা গৈছিল । আমচৈ চাহ বাগিচাৰ মুঠ ৬৭ গৰাকী ক’ৰোনা আক্ৰান্তৰ ভিতৰত ৩৩ গৰাকীয়ে ক’ৰোনাক জয় কৰিবলৈ সক্ষম হৈছে আৰু ৩৪ গৰাকী ক’ৰোনা আক্ৰান্তই এতিয়াও ক’ৰোনা সৈতে যুঁজ দি আছে। আমচৈ চাহ বাগিচাত নতুনকৈ ক’ৰোণাত আক্ৰান্ত পোৱা নাই ।