নিয়মীয়া বাৰ্তা ৯ নৱেম্বৰঃ আগন্তুক বিধানসভাৰ নিৰ্বাচনৰ দিন চমু চাপি অহাৰ লগে লগে নগাঁও জিলাৰ চামগুৰি সমষ্টিত বিজেপি দলে নিৰ্বাচনৰ কুচকাৱাজ আৰম্ভ কৰিছে ৷বিশেষকৈ চামগুৰি সমষ্টিত কলিয়াবৰ জিলা বিজেপিৰ সভাপতি অনিল শইকীয়াৰ পৰামৰ্শত আৰু বাজিয়াগাওঁ মণ্ডল বিজেপিiৰ সভাপতি প্ৰানজিৎ বৰাৰ নেতৃত্বত সমষ্টিটোত দলৰ কৰ্মী সকলে সাংগঠনিক দিশ সৱল কৰিবলৈ চেষ্টা অব্যাহত ৰাখিছে ৷কেইদিনমান পূৰ্বে চামগুৰি সমষ্টিৰ অন্তৰ্গত বৰমা বজাৰত অৰ্ধ শতাধিক কংগ্ৰেছ কৰ্মী বিজেপি দলত যোগদান কৰাৰ পিছত যোৱা কালি বিয়লি পুনৰ সমষ্টিটোৰ অন্তৰ্গত ভৰাগুৰি অঞ্চলত অনুষ্ঠিত হোৱা বিজেপিৰ এখন সভাত শক্তি কেন্দ্ৰৰ প্ৰমুখ প্ৰভাত বৰা আৰু বাজিয়াগাওঁ মণ্ডল বিজেপিৰ উপ সভাপতি শৰৎ গায়নৰ নেতৃত্বত আৰু বাজিয়াগাওঁ মণ্ডল বিজেপিৰ সভাপতি প্ৰানজিৎ বৰাৰ উপস্থিতিত প্ৰায় শতাধিক কংগ্ৰেছ কৰ্মীয়ে বিজেপি দলত যোগদান কৰে ৷ ভাৰতীয় জনতা পাৰ্টিৰ নীতি আৰু আৰ্দশৰ প্ৰতি আকৃষ্ট হৈ কংগ্ৰেছ দলৰ পৰা বিজেপি দলত যোগদান কৰা লোক সকলক বাজিয়াগাওঁ মণ্ডল বিজেপিৰ সভাপতি গৰাকীয়ে আদৰনী জনোৱাৰ লগতে নিজৰ নিজৰ অঞ্চলত বিজেপিৰ সাংগঠনিক দিশ সৱল কৰিবলৈ আহ্বান জনাই ৷ উক্ত সভাখনত বাজিয়াগাওঁ মণ্ডল বিজেপিৰ বহুকেইজন বিষয়ববীয়া উপস্থিত থাকে বুলি জানিব পৰা গৈছে ৷