নিয়মীয়া বাৰ্তা, ১৭ ডিচেম্বৰঃ গোৱালপাৰাৰ বনাঞ্চলিক বিষয়াই আজি পুৱতিনিশা অভিযান চলাই জয়পুৰ পুৰণি বজাৰৰ পৰা এটা অবৈধ কাঠফলা কলৰ লগতে বৃহৎ পৰিমাণৰ চোৰাং কাঠ জব্দ কৰে৷ অবৈধ কাঠফলা কলটোৰ সম্পূর্ণ যন্ত্রাংশৰ লগতে কলটোত ফালিবলৈ মজুত কৰি ৰখা শাল, চেগুন, পোনা, নেউৰী আদি গছৰ কুণ্ডা জব্দ কৰে৷ জব্দকৃত চোৰাং কাঠখিনিৰ বজাৰ মূল্য পাঁচ লক্ষাধিক টকা হ’ব বুলি বনাঞ্চলিক বিষয়া সাত্ব্ন্না মেধিয়ে জানিবলৈ দিয়ে৷ এই অভিযানৰ সময়ত কৃষ্ণাই মধ্য বনাঞ্চলৰ আঞ্চলিক বিষয়া শিৱানী পেগুৱেও সংগ দিয়ে৷