বিজেপি চৰকাৰৰ দ্বিতীয় বৰ্ষপূৰ্তি উপলক্ষে চামগুৰিত সেৱামূলক কাৰ্যসূচীৰ শুভাৰম্ভঃ ৰাইজৰ মাজত মাস্ক চেনিটাইজাৰ ফলমূল বিতৰণ

নিয়মীয়া বাৰ্তা, ৩০ মে: নগাঁও জিলাৰ চামগুৰি সমষ্টিৰ বাজিয়াগাওঁ মণ্ডল বিজেপি আৰু কলিয়াবৰ জিলা বিজেপিৰ উদ্যোগত আজি ভীমৰগাৱঁত ক’ভিড প’টকল মানি ৰাইজৰ মাজত মাস্ক চেনিটাইজাৰ আৰু ফলমূল বিতৰ কৰে ৷

দেশৰ প্ৰধানমন্ত্ৰী নৰেন্দ্ৰ মোডীৰ নেতৃত্বত কেন্দ্ৰীয় চৰকাৰৰ দ্বিতীয় কাৰ্যকালৰ সফলতাৰ দ্বিতীয় বৰ্ষপূৰ্তিৰ উপলক্ষে সপ্তাহত যোৰা “সেৱামূলক কাৰ্যসূচীৰ আজিৰ শুভাৰম্ভ অনুষ্ঠানটোত বাজিয়াগাওঁ মণ্ডল বিজেপিৰ সভাপতি প্ৰানজিৎ বৰা আৰু কলিয়াবৰ জিলা বিজেপিৰ উপ সভাপতি জ্ঞানদ্বীপ মহন্ত উপস্থিত থাকে ৷

বাজিয়াগাঁও মণ্ডল বিজেপিৰ সভাপতি প্ৰানজিৎ বৰাই উপস্থিত থকা লোক সকলক ক’ভিড ৰোগৰ বাবে সজাগ আৰু সচেতন হবলৈ আহ্বান জনায়৷ বিজেপি নেতৃত্বাধীন কেন্দ্ৰীয় চৰকাৰৰ দ্বিতীয় কাৰ্যকালৰ সফলতাৰ দ্বিতীয় বৰ্ষপূৰ্তিৰ উপলক্ষে আজিৰ পৰা সপ্তাহত যোৰা “সেৱামূলক কাৰ্যসূচীৰ শুভাৰম্ভ কৰাৰ পিছতেই সুতাগাওঁ পঞ্চায়তৰ বিভিন্ন অঞ্চলত বিজেপি দলৰ নেতা কৰ্মী সকল উপস্থিত হৈ ৰাইজৰ মাজত মাস্ক চেনিটাইজাক আৰু ফলমূল বিতৰন কৰে ৷

আজি শুভাৰম্ভ হোৱা সপ্তাহত যোৰা ” সেৱামূলক কাৰ্যসূচীৰ ” জৰিয়তে চামগুৰি সমষ্টিৰ প্ৰতিটো পঞ্চায়তৰ ৰাইজৰ মাজত সজাগতা সৃষ্টি কৰাৰ লগতে মাস্ক চেনিটাইজাৰ আৰু ফলমূল বিতৰণ কৰা হ’ব বুলি বাজিয়াগাওঁ মণ্ডল বিজেপিৰ সভাপতি প্ৰানজিৎ বৰা আৰু কলিয়াবৰ জিলা বিজেপিৰ উপসভাপতি জ্ঞানদ্বীপ মহন্তই জানিবলৈ দিয়ে ৷ উক্ত অনুষ্ঠানটোত বাজিয়াগাঁও মণ্ডল বিজেপিৰ উপসভাপতি শৰৎ গায়ন সম্পাদক নিতু মুদৈকে ধৰি বহুকেইজন বিষয়ববীয়া উপস্থিত থাকে বুলি জানিব পৰা গৈছে ৷