নিয়মীয়া বাৰ্তা, ৭ ছেপ্টেম্বৰঃ আজি দুলীয়াজান আঞ্চলিক ছাত্ৰ সন্থাৰ কমলাবাৰীস্হিত নিজ কাৰ্যালয়ত আঞ্চলিকৰ নৱগঠিত সমিতিৰ দায়িত্বভাৰ অৰ্পণ কাৰ্যসূচী অনুষ্ঠিত হয়। বুবুল তালুকদাৰৰ সভাপতিত্বত অনুষ্ঠিত সভাখনত বিশিষ্ট অতিথি হিচাপে উপস্থিত থাকি দুলীয়াজান মহাবিদ্যালয়ৰ অধ্যক্ষ ডঃ লোকবিকাশ গগৈ, সদৌ ডিব্ৰুগড় জিলা ছাত্ৰ সন্হাৰ সভাপতি অৱনী কুমাৰ গগৈ, আছুৰ কেন্দ্ৰীয় বিষয়ববীয়া অনিল গগৈয়ে নৱগঠিত আঞ্চলিক সমিতিখনক উদ্দেশ্যি শুভেচ্ছামূলক বক্তব্য আগবঢ়াই। এই সভাতে বিদায়ী বিষয়ববীয়াসকলে দুলীয়াজান আঞ্চলিক ছাত্ৰ সন্হাৰ নৱনিৰ্বাচিত সভাপতি দিগন্ত বড়া আৰু সম্পাদক সমীৰণ গগৈৰ হাতত আনুষ্ঠানিকভাৱে দায়িত্বভাৰ অৰ্পণ কৰে। ইয়াৰ পাছতে সভাপতি দিগন্ত বড়া আৰু সম্পাদক সমীৰণ গগৈয়ে নিজা অনুভৱ ব্যক্ত কৰে। সভাত বিদায়ী বিষয়ববীয়া আৰু নৱনিৰ্বাচিত সভাপতি-সম্পাদকক ফুলাম গামোছা আৰু ফুলৰ থোপাৰে উষ্ম সম্ভাষণ জ্ঞাপন কৰা হয়। ভাঃ সম্পাদক প্ৰদীপ ছেত্ৰীয়ে উদ্দ্যেশ্য ব্যাখ্যা কৰা সভাখনত বিশেষভাৱে উপস্থিত থাকে শিক্ষাবিদ ক্ৰমে হেমকান্ত গগৈ, বিষেশ্বৰ গগৈ, অজিত বড়া, মৃণালীনি গোস্বামী, অনুপ বেজবৰুৱা, গুণীন ফুকন দুলীয়াজান মহাবিদ্যালয়ৰ অৱসৰপ্ৰাপ্ত উপাধ্যক্ষ ডঃ লিখন চন্দ্ৰ বড়া, দুলীয়াজান সাহিত্য সভাৰ প্ৰাক্তন সভাপতি দিপীকা কটকী, নাওহলীয়াৰ ব্যৱসায়ী সন্হা, লগতে প্ৰাক্তন ছাত্ৰ নেতা, আছুৰ শুভাকাংক্ষী তথা ছাত্ৰ কৰ্মীসকল ।
প্ৰেৰক কৃষ্ণা গগৈ