নিয়মীয়া বাৰ্তা, ২৯ ডিচেম্বৰঃ অসম লোকসেৱা আয়োগৰ সদ্যঘোষিত পৰীক্ষাত সুখ্যাতিৰে উত্তীৰ্ণ পৰীক্ষাৰ্থী বাংঠাইগাঁৱৰ বাসিন্দা ধৰিত্ৰী কাকতি আমফিৰ এক অভিনন্দন অনুষ্ঠান সদৌ তিৱা ছাত্ৰ সন্থাৰ মুখ্য কাৰ্যালয় গণেশ চন্দ্ৰ সেনাপতি ভৱনত আজি দুপৰীয়া ১২ বজাত অনুষ্ঠিত হয়।
অনুষ্ঠানত সভাপতিত্ব কৰে সদৌ তিৱা ছাত্ৰ সন্থাৰ ভাৰপ্ৰাপ্ত সভাপতি দীপক আমছঙে। অভিনন্দন অনুষ্ঠানটোৰ আঁত ধৰে সদৌ তিৱা ছাত্ৰ সন্থাৰ সম্পাদক চেনিৰাম মালাঙে। অনুষ্ঠানটোত ডেৰ শতাধিক লোকে অংশগ্ৰহণ কৰে।
অভিনন্দন অনুষ্ঠানটোত বিশিষ্ট ব্যক্তি হিচাপে অংশগ্ৰহণ কৰে মৰিগাঁও জিলাৰ আৰক্ষী অধীক্ষক নন্দ সিং বৰকলা, বিশিষ্ট তিৱা ভাষা গৱেষক মনেশ্বৰ দেউৰী, সাহিত্যিক মিলেশ্বৰ পাটৰ, তিৱা সাহিত্য সভাৰ উপ-সভাপতি শৰৎ চন্দ্ৰ পাটৰ,সদৌ অসম ট্ৰাইবেল সংঘৰ উপ-সভাপতি পোহেশ্বৰ বৰদলৈ আদি বিশিষ্ট ব্যক্তিয়ে।