নিয়মীয়া বাৰ্তা, ২৩ নৱেম্বৰঃ ৰাজ্যৰ প্ৰাক্তন মুখ্যমন্ত্ৰী প্ৰয়াত তৰুণ গগৈৰ আজি প্ৰথম মৃত্যু বাৰ্ষিকী নগাঁৱত উদযাপন কৰা হয় ৷ নগাঁও জিলা যুৱ কংগ্ৰেছৰ উদ্যোগত নগাঁও শ্বহীদ ভৱনৰ সন্মুখত এই মৃত্যু দিৱস উদযাপন কৰা হয় ৷
পুৱা তৰুণ গগৈৰ প্ৰতিছব্বিত মাল্যপ্ৰদান কৰাৰ লগতে এক শ্ৰদ্ধাঞ্জলি অনুষ্ঠানৰ আয়োজন কৰা হয় ৷ শ্ৰদ্ধাঞ্জলি অনুষ্ঠানত অংশগ্ৰহণ কৰি কেইবাজনো বিশিষ্ট ব্যক্তিয়ে কয় যে – প্ৰয়াত তৰুণ গগৈ এগৰাকী সৰ্ব্বজন প্ৰিয় ৰাজনৈতিক নেতা আছিল ৷ তেওঁ সকলো জাতি জনগোষ্ঠীক একত্ৰিত কৰি অসমখনক আগুৱাই নিয়াৰ প্ৰয়াস কৰিছিল শ্ৰদ্ধাঞ্জলি অনুষ্ঠানৰ পিছতেই ছাত্ৰ-ছাত্ৰীৰ মাজত মুকলি কুইজ প্ৰতিযোগিতা অনুষ্ঠিত হয় ৷