নিয়মীয়া বাৰ্তা, ১৬ ডিচেম্বৰ : নগৰবেৰা বজাৰত চুৰিকাণ্ড। চোৰে লুটি নিলে বুজন পৰিমাণৰ মটৰ, পাইপ আদি। প্ৰায় ১০ লক্ষাধিক টকাৰ সামগ্ৰী চুৰি হোৱা বুলি জানিব পৰা গৈছে। নগৰবেৰাস্থিত আনিছ হাৰ্ডৱেৰত সংঘটিত হয় এই চুৰিকাণ্ড। নিশা গুদামৰ তলা ভাঙি চোৰে লুটি নিয়ে প্ৰায় ৪০০টা পানী তোলা মটৰ, বৃহৎ পৰিমানৰ পানীৰ পাইপ, বাল্টি আদি। আজি দুপৰীয়া গুদামৰ পৰা বিক্ৰী কৰা সামগ্ৰী আনিবলৈ যোৱাত পোহৰলৈ আহে ঘটনাটো। এই ঘটনাই সমগ্ৰ অঞ্চলটোতে চাঞ্চল্যৰ সৃষ্টি কৰিছে। ঘটনাস্থলীত আৰক্ষী উপস্থিত হৈ প্ৰাথমিক তদন্ত চলায়। শীঘ্ৰে চুৰিকাণ্ডত জড়িতক কৰায়ত্তৰ দাবী দোকানৰ গৰাকী তথা স্থানীয় ৰাইজৰ।
প্ৰেৰক সঞ্জীৱ কুমাৰ দাস