নিয়মীয়া বাৰ্তা, ৩০ জুলাই : ড্ৰাগছৰ বিৰুদ্ধে অভিযান অব্যাহত আছে নগাঁও আৰক্ষীৰ। নগাঁও আৰক্ষীয়ে অভিযান চলাই তিনি কুখ্যাত ড্ৰাগছ সৰবৰাহকাৰীক আটক কৰিছে। নগাঁও জেল ৰোডৰ সমীপৰ পৰা ধৃত ড্ৰাগছ সৰবৰাহকাৰীকেইটাক আটক কৰিছে আৰক্ষীয়ে। সৰবৰাহকাৰীকেইটাৰ পৰা আৰক্ষীয়ে জব্দ কৰে ৯টাকৈ ড্ৰাগছভৰ্তি চাবোনৰ বাকচ। জব্দকৃত ড্ৰাগছৰ পৰিমাণ প্ৰায় ৩৪৫.০৫ গ্ৰাম। লগতে আৰক্ষীয়ে জব্দ কৰে AS 02 DC 5489 নম্বৰৰ এখন ই-ৰিক্সা। আৰক্ষীৰ অভিযানত আটকাধীনকেইজন ক্ৰমে ফাইজুল ইছলাম, গুলজাৰ হুছেইন, মফিদা খাতুন। ধৃত ড্ৰাগছ সৰবৰাহকাৰীকেইটাৰ ঘৰ হোজাইৰ শকুনজুৰিত। অধিক তথ্যৰ বাবে আৰক্ষীয়ে সৰবৰাহকাৰীকেইটাক জেৰা অব্যাহত ৰাখিছে।
প্ৰেৰক কনক হাজৰিকা