নিয়মীয়া বাৰ্তা, ১৬ অক্টোবৰঃ জে চি বি এক্সকেভেটৰেৰে কৰা হয় বহু অসাধ্য কাম, সেই বিষয়ে সকলো জ্ঞাত। কিন্তু পিঠি খজুওৱা কামতো যে জে চি বি ব্যৱহাৰ কৰিব পাৰি, সেয়া সকলোৰে বাবে কল্পনাতীত কথা। এনে এটা কাণ্ডই কৰিলে এগৰাকী লোকে।
পাহাৰ খান্দি থকা এখন জে চি বিৰে পিঠিত তীব্ৰ খজুৱতি অনুভৱ কৰা আদহীয়া লোকজনে খজুৱালে পিঠি। অতি ৰগৰ সৃষ্টি কৰা এই ভিডিঅ’টো সম্প্ৰতি ভাইৰেল হৈ পৰিছে। ছ’চিয়েল মিডিয়াত ভাইৰেল হোৱা ৪১ ছেকেণ্ডৰ ক্লিপত এজন আদহীয়া লোক নিৰ্মাণ স্থানৰ মাজত থিয় হৈ থকা দেখা যায়। তেওঁ কাপোৰেৰে পিঠি খজুৱাবলৈ চেষ্টা কৰে যদিও জে চি বিয়ে উপযুক্ত হ’ব বুলি বিবেচনা কৰি জে চি বিৰে ধুনীয়াকৈ কামখিনি কৰে।
লোকজনে জেচিবিৰ আৰু এটা কাৰ্যসূচী বৰ্ধিত কৰিলে হয়, কিন্তু ড্ৰাইভাৰৰ হাত যদি নিপুণ নহয় তেন্তে বিপদ হোৱাটো অৱধাৰিত। অৱশ্যে পিঠি খজুওৱা আদহীয়া লোকজনে সুকলমে পিঠিৰ খজুৱতি কমাবলৈ সক্ষম হয়। তাকে লৈ কৰা ভিডিঅ’ও ভাইৰেল হয়, দৰ্শকেও লাভ কৰে আনন্দ। হয়তো ইয়াকে কোৱা হয় আলটিমেট ৰগৰ।