অ’পেনাৰ হিচাপে এটা কেলেণ্ডাৰ বৰ্ষত সৰ্বাধিক ৰান ৰোহিতৰ

নিয়মীয়া বাৰ্তা ২৩ ডিচেম্বৰঃ বর্ণিল কেৰিয়াৰত আন এক অনন্য কৃতিত্বৰ অধিকাৰী হ’ল টীম ইণ্ডিয়াৰ তাৰকা অ’পেনাৰ ৰোহিত শর্মা৷ এটা কেলেণ্ডাৰ বর্ষত অ’পেনাৰ হিচাপে সর্বাধিক ৰান কৰি ২২ বছৰ পূর্বে শ্রীলংকা ক্রিকেট দলৰ বিস্ফোৰক অ’পেনাৰ সনথ জয়সূর্যই গঢ়া সর্বাধিক ৰানৰ অভিলেখটো ভংগ কৰে৷ ১৯৯৭ চনত জয়সূর্যই অ’পেনাৰ হিচাপে ২৩৮৭ ৰান কৰি এটা কেলেণ্ডাৰ বর্ষত সর্বাধিক ৰান কৰাৰ অভিলেখটো গঢ়িছিল৷ কিন্তু টীম ইণ্ডিয়াৰ অ’পেনাৰগৰাকীয়ে আজি কটকত ৱেষ্ট ইণ্ডিজৰ বিপক্ষে খেলা তৃতীয় তথা নির্ণায়ক এদিনীয়া মেচখনত জয়সূর্যৰ অভিলেখটো ভংগ কৰে৷ শ্রীলংকাৰ প্রাক্তন অ’পেনাৰগৰাকীৰ এই অভিলেখটো ভংগ কৰিবলৈ ৰোহিত শর্মাক আজি প্রয়োজন আছিল মাত্র ৯ ৰানৰ৷ চলিত বর্ষটোত সর্বাধিক ৰানো কৰা ৰোহিত শর্মাই মেচখনত ৬৩ ৰানৰ দর্শনীয় ইনিংছ খেলে৷