নিয়মীয়া বাৰ্তা, ২৫ ফেব্ৰুৱাৰীঃ গুৱাহাটীৰ সৰুসজাই ক্রীড়া প্রকল্পৰ ইন্দিৰা গান্ধী এথলেটিক্ছ ষ্টেডিয়ামত আজি চেন্নাইনৰ বিপক্ষে খেলি হতাশাৰ ছিজন সামৰিব নর্থ ইষ্ট ইউনাইটেড এফ চিয়ে৷
মন কৰিবলগীয়া যে চলিত ষষ্ঠ হিৰো ইণ্ডিয়ান ছুপাৰ লীগৰ অন্তিমখন লীগ মেচ আজি অনুষ্ঠিত হ’ব৷ এই মেচ সন্দর্ভত নর্থ–ইষ্টৰ প্রশিক্ষক খালিদ জামিলে কয় যে এয়া আমাৰ ছিজনৰ অন্তিম মেচ৷ দলে জয়ৰ আশা কৰিছে৷ আজিৰ মেচখনত নতুন খেলুৱৈক সুযোগ দিয়া হ’ব৷ উল্লেখ্য যে চলিত ছিজনৰ ১৭খন মেচৰ পৰা ১৩ পইণ্ট অর্জন কৰি পইণ্ট তালিকাৰ নৱম স্থানত থাকে নর্থ–ইষ্ট৷ ইফালে, চেন্নাইনে ২৮ পইণ্ট লাভ কৰি তালিকাৰ চতুর্থ স্থানত আছে৷ যদি আজি মেচখনত দলটোৱে জয়লাভ কৰে, তেতিয়াহ’লে ৩১ পইণ্ট লাভ কৰি তালিকাৰ তৃতীয় স্থানলৈ উন্নীত হ’ব৷
খেলৰ সময়ঃ সন্ধিয়া ৭.৩০ বজা