নিয়মীয়া বার্তা, ১ মেঃ নলবাৰী জিলাৰ অন্যতম ক্রীড়া অনুষ্ঠান পূব নলবাৰী ক’চিং চেণ্টাৰৰ পৰিচালনাত অসম ভলীবল সন্থাৰ সভাপতি সুশান্ত বিশ্ব শর্মাই ৮০ ঘৰ দুখীয়া ভলীবল খেলুৱৈৰ পৰিয়ালৰ মাজত বৃহস্পতিবাৰে সাহায্য বিতৰণ কৰে ৷ উল্লেখ্য যে পূব নলবাৰীৰ জাজিয়াবাৰীত খেলুৱৈকেইগৰাকীৰ পৰিয়ালক চাউল, দাইল, আলু, মিঠাতেল, নিমখ, পিঁয়াজ আদি বিতৰণ কৰি মহানুভৱতাৰ পৰিচয় দিয়ে ৷ অসম ভলীবল সন্থাৰ সভাপতিৰ হৈ খাদ্য–সামগ্রী বিতৰণ অনুষ্ঠানত উপস্থিত থাকে অসম আৰক্ষী কনিষ্টবল মোহন ৰবি দাস, ফণীধৰ বড়ো, ফণীধৰ দাস, হিমাংশু কুমাৰ দাস, ৰাজ্যিক পর্যায়ৰ সুদক্ষ ভলীবল খেলুৱৈ বাদল দাস, পূব নলবাৰী ক’চিং চেণ্টাৰৰ সভাপতি দীপক কুমাৰ দাস, উপ–সভাপতি দিগন্ত নাৰায়ণ কোঁৱৰ আৰু সম্পাদক হিতেশ দাস৷ অসম ভলীবল সন্থাৰ সভাপতিগৰাকীৰ এনে কার্যক ৰাইজে ভূয়সী প্রশংসা কৰে৷ ইপিনে, পূব নলবাৰী ভলীবল ক’চিং চেণ্টাৰৰ তৰফৰ পৰা লকডাউনৰ সময়ছোৱাত অঞ্চলটোত বিভিন্ন ধৰণে আর্তজনক সহায় কৰি আছে ৷