নিয়মীয়া বার্তা, ২৪ জানুুৱাৰীঃ ভাৰতৰ নৱাগত চাঞ্চল্য লক্ষ্য সেনে চলিত পঞ্চম পি বি এলত নিজৰ জয়যাত্রা অব্যাহত ৰখাৰ বিপৰীতে মহিলাৰ একক শাখাৰ মেচত ক্রমাগত দ্বিতীয় মেচতো পৰাজয়ৰ সন্মুখীন হয় গায়ত্রী গোপীচান্দ৷
উল্লেখ্য যে ভাৰতীয় বেডমিণ্টন সন্থাই আয়োজন কৰা পঞ্চম পি বি এলত উভয় শ্বাটলাৰে চেন্নাই ছুপাৰষ্টাজৰ হৈ খেলিছে৷ গুৰুত্বপূর্ণ দিশটো হ’ল চেন্নাই দলে লীগৰ প্রথম দুয়োখন মেচতে জয়লাভ কৰি শক্তিশালী আৰম্ভ কৰিছে৷ চেন্নাইৰ জৱাহৰলাল নেহৰু ইনড’ৰ ষ্টেডিয়ামত অনুষ্ঠিত দ্বিতীয় মেচত চেন্নায়ে যোৱানিশা মুম্বাই ৰকেটছক ৪–৩ৰ ব্যৱধানত হৰুৱায়৷ ইফালে, প্রতিযোগিতাখনৰ কাইলৈ চেন্নাইৰ জৱাহৰলাল নেহৰু ইনড’ৰ ষ্টেডিয়ামত হ’ব লগা মেচখনত
ঘৰুৱা দল চেন্নাই ছুপাৰষ্টাজে ডিফেণ্ডিং চেম্পিয়ন বাংগালুৰু ৰেপ্ঢর্ছৰ বিৰুদ্ধে প্রতিদ্বন্দ্বিতা আগবঢ়াব