নিয়মীয়া বাৰ্তা, ২৮ ডিচেম্বৰঃ ৭৬সংখ্যক সন্তোষ ট্রফী ৰাষ্ট্রীয় ফুটবল চেম্পিয়নশ্বিপত অংশগ্রহণ কৰিবলগীয়া অসম দলটোৰ জার্ছী আজি মুকলি কৰা হয়৷ কোকৰাঝাৰ চহৰস্থিত বড়োলেণ্ড গেষ্ট হাউছত আজি সন্ধিয়া এক সংবাদ মেলৰ জৰিয়তে অসম দলটোৰ জার্ছী মুকলি কৰা হয়৷ জার্ছী মুকলি অনুষ্ঠানত অসম ফুটবল সন্থাৰ সম্পাদক হেমন্দ্র নাথ ব্রহ্ম, বি টি আৰৰ ক্রীড়া বিভাগৰ কার্যবাহী সদস্য দাওবৈছা বড়ো উপস্থিত আছিল৷ উল্লেখ্য যে বি টি আৰৰ সদৰ কোকৰাঝাৰত প্রথমবাৰৰ বাবে প্রতিযোগিতাখনৰ গ্রুপ তিনিৰ লীগ মেচ অনুষ্ঠিত হ’ব৷ কোকৰাঝাৰৰ কঁঠালগুৰিস্থিত ছাই ক্রীড়া প্রকল্প আৰু কোকৰাঝাৰ ক্রীড়া সন্থাৰ খেলপথাৰত কাইলৈৰ পৰা ৫ জানুৱাৰীলৈ এই মেচকেইখন অনুষ্ঠিত হ’ব৷