নিয়মীয়া বাৰ্তা, ৮ ডিচেম্বৰঃ পূর্বৰ বিজয়ী অসম ৰাজ্যিক বিদ্যুৎ পৰিষদে নগাঁও ক্রীড়া সংস্থাৰ উদ্যোগত স্থানীয় নুৰুল আমিন ষ্টেডিয়ামত চলি থকা ৭৩সংখ্যক স্বাধীনতা দিৱস কাপ ফুটবল প্রতিযোগিতাৰ ফাইনেলত প্রৱেশ কৰিছে৷ মঙলবাৰে অনুষ্ঠিত প্রথমখন ছেমিফাইনেলত বিদ্যুৎ পৰিষদে দুলীয়াজানৰ অইল ইণ্ডিয়া ফুটবল ক্লাবক ৩–০ গ’লত পৰাস্ত কৰে৷ প্রথমৰ পৰাই নিজৰ নিয়ন্ত্রণত ৰাখিবলৈ সক্ষম হোৱা বিদ্যুৎ পৰিষদৰ জিজ্ঞাস ডেকাই ১১ মিনিটত প্রথমটো গ’ল কৰাৰ পিছত ১৪ আৰু ১৭ মিনিটত ভৱেশ দৈমাৰীয়ে দুটাকৈ গ’ল স্ক’ৰ কৰি দলটোক ৩–০ গ’লত অগ্রগতি প্রদান কৰিছিল৷ ইয়াৰ পূর্বে বিয়লি ৩ বজাত অনুষ্ঠিত অন্তিমখন কোৱার্টাৰ ফাইনেলত কেৰালা ইউনাইটেড ফুটবল ক্লাবে বঙাইগাঁৱৰ ইলেভেন ষ্টাৰ ফুটবল ক্লাবক ৪–১ গ’লত পৰাস্ত কৰি ছেমিত প্রৱেশ কৰে৷