নিয়মীয়া বাৰ্তা, ১১ ডিচেম্বৰ: আজি ভাৰতীয় ক্ৰিকেট দলৰ প্ৰাক্তন অধিনায়ক বিৰাট কোহলী আৰু তেওঁৰ পত্নী অনুষ্কা শৰ্মাৰ ৫ম বিবাহ বাৰ্ষিকী। এই উপলক্ষে কোহলীয়ে ছ’চিয়েল মিডিয়াত এখন ছবি শ্বেয়াৰ কৰি অনুষ্কাক লৈ লিখিছে, ‘৫ বছৰীয়া হ’ল আমাৰ এই যাত্ৰা। তোমাক পাই মই ধন্য, তোমাক অন্তৰেৰে ভাল পাওঁ।’
5 years on a journey for eternity. How blessed Iam to find you , I love you with all my heart ❤️♾️❤️♾️❤️ pic.twitter.com/PISyxaDD6S
— Virat Kohli (@imVkohli) December 11, 2022
উল্লেখ্য যে বিৰাট আৰু অনুষ্কাই দীৰ্ঘদিন ধৰি প্ৰেমৰ সম্পৰ্ক স্থাপন কৰাৰ পিছত ২০১৭ চনৰ ১১ ডিচেম্বৰত ইটালীত বিবাহপাশত আবদ্ধ হয়।
মন কৰিবলগীয়া যে বৰ্তমান বাংলাদেশ ভ্ৰমণত আছে বিৰাট কোহলী। কোহলীয়ে তিনিখন এদিনীয়া শৃংখলাত অংশ লৈছিল য’ত তেওঁ শেষৰখন মেচত এক দৰ্শনীয় ইনিংছ খেলি ১১৩ ৰান সংগ্ৰহ কৰিছিল। ২০১৯ চনৰ পিছত এদিনীয়া ক্ৰিকেটত এইটোৱেই আছিল কোহলীৰ প্ৰথম শতক।