নিয়মীয়া বাৰ্তা, ৬ অক্টোবৰ: আঘাতৰ বাবে আই পি এলৰ পৰা বাহিৰ হ’ল দিল্লী কেপিটেলছৰ তাৰকা লেগ স্পিনাৰ অমিত মিশ্র আৰু ছানৰাইজার্ছৰ অভিজ্ঞ মিডিয়াম পেচাৰ ভুবনেশ্বৰ কুমাৰ৷
শেহতীয়াকৈ কলকাতা নাইট ৰাইডার্ছৰ বিৰুদ্ধে খেলা মেচখনত নিজৰ বলিঙত কেচ আয়ত্ত কৰিবলৈ গৈ মিশ্রই সোঁ হাতৰ আঙুলিত আঘাত পায়৷ পৰৱর্তী সময়ত চিকিৎসকে তেওঁক অতি কমেও দুমাহৰ বিশ্রাম দিয়ে৷
উল্লেখ্য যে আই পি এলত দিল্লী কেপিটেলছৰ হৈ মিশ্রই তৃতীয় সর্বাধিক উইকেট দখল কৰিবলৈ সক্ষম হৈছিল৷ ৩৭ বছৰীয়া লেগ স্পিনাৰগৰাকীয়ে আই পি এলত ১৬০টা উইকেট দখল কৰিছে৷ ইফালে, চেন্নাই ছুপাৰ কিংছৰ বিৰুদ্ধে শুকুৰবাৰে নিশা হেমষ্ট্রিঙৰ আঘাতত ভোগা ভুবনেশ্বৰ কুমাৰ দীঘলীয়া সময়ৰ বাবে খেলপথাৰৰ পৰা আঁতৰত থাকিব লাগিব৷