নিয়মীয়া বাৰ্তা ৩১ আগষ্টঃ আগন্তুক ভাৰত ভ্রমণত টীম ইণ্ডিয়াৰ অধিনায়ক বিৰাট কোহলিক তীব্র প্রত্যাহ্বান জনাব ইংলেণ্ডৰ তাৰকা বেগী বলাৰ জেমছ এণ্ডাৰছনে৷ শেহতীয়াকৈ বিশ্বৰ প্রথমগৰাকী বেগী বলাৰ হিচাপে টেষ্ট ক্রিকেটত ৬০০ উইকেট সম্পূর্ণ কৰা ৩৮ বছৰীয়া বেগী বলাৰগৰাকীয়ে কয় যে কোহলিৰ দৰে বিশ্বমানৰ বেটছমেনৰ বিৰুদ্ধে বলিং কৰাটো সদায়েই প্রত্যাহ্বানজনক৷ ২০১৪ত ইংলেণ্ডৰ মাটিত তেওঁৰ বিৰুদ্ধে মই যথেষ্ট সফল হৈছিলোঁ৷ এইবাৰ ভাৰতৰ মাটিত কোহলিক প্রত্যাহ্বান জনোৱাটো মোৰ প্রধান লক্ষ্য৷
উল্লেখ্য যে ২০১৪ৰ ইংলেণ্ড ভ্রমণত এণ্ডাৰছন আৰু কোহলিৰ যুঁজখন বে’চ উপভোগ্য হৈ উঠিছিল৷ এণ্ডাৰছনে কোহলিক পাঁচখন মেচৰ টেষ্ট শৃংখলাটোত চাৰিবাৰ আউট কৰিবলৈ সক্ষম হৈছিল৷ অৱশ্যে টীম ইণ্ডিয়াৰ অধিনায়কগৰাকীয়ে ২০১৮ৰ ইংলেণ্ড ভ্রমণত দুটা শতক আৰু তিনিটা অর্ধশতক অর্জন কৰি উজলি উঠে৷