নিয়মীয়া বাৰ্তা, ২১ জুনঃ লা লিগাৰ খিতাপৰ দৌৰত আগবাঢ়ি থকা বার্চিলোনাই যোৱানিশা ছেভিলাৰে গ’লশূন্য ড্র খেলে৷ মাদ্রিদত অনুষ্ঠিত মেচখনত ড্র খেলাৰ পিছত তাৰকাসমৃদ্ধ বার্চিলোনা চলিত লা লিগা ছিজনত প্রথমবাৰৰ বাবে কিছু বিপদৰ সন্মুখীন হৈছে৷ কিয়নো বার্চিলোনাই মেচখনৰ পৰা সম্পূর্ণ পইণ্ট অর্জন কৰিব নোৱাৰাত ৰিয়েল মাদ্রিদৰ সন্মুখত খিতাপ জয়ৰ সম্ভাৱনা সৃষ্টি হৈছে৷
বৃহস্পতিবাৰে নিশা ভেলেন্সিয়াক ৩–০ গ’লত পৰাস্ত কৰি ৰিয়েল মাদ্রিদে পইণ্টৰ পৰিমাণ ৬২লৈ বৃদ্ধি কৰিবলৈ সক্ষম হৈছে৷ দেওবাৰে ৰিয়েল ছ’চিয়েডক পৰাস্ত কৰিলেই দলটোৱে বার্চিলোনাৰ সৈতে সমতা স্থাপন কৰিব পাৰিব৷
উল্লেখ্য যে এই মুহূর্তত বার্চিলোনাই ৩০খন মেচৰ পৰা ৬৫ পইণ্ট অর্জন কৰি শীর্ষস্থান অধিকাৰ কৰি আছে৷ ইফালে, বার্চিলোনাৰে ড্র খেলি লাভ কৰা মূল্যৱান পইণ্টৰ সুবাদত ছেভিলাই তালিকাৰ তৃতীয় স্থানলৈ উন্নীত হৈছে৷