নিয়মীয়া বাৰ্তা ৭ অক্টোবৰঃ ভাৰতৰ তাৰকা শ্বাটলাৰ ছাইনা নেহৱাল আৰু পাৰুপল্লি কাশ্যপে আগন্তুক ডেনমার্ক অ’পেন ছুপাৰ ৭৫০ বেডমিণ্টন প্রতিযোগিতাৰ পৰা নাম প্রত্যাহাৰ কৰিছে৷ মহামাৰী ক’ৰোনা ভাইৰাছে সৃষ্টি কৰা জটিল পৰিস্থিতিৰ প্রতি লক্ষ্য ৰাখি তেওঁলোকে অহা ১৩ অক্টোবৰৰ পৰা আৰম্ভ হ’বলগীয়া প্রতিযোগিতাখনত অংশগ্রহণ নকৰে বুলি সদৰী কৰে৷
অহা জানুৱাৰী মাহৰ পৰাহে তেওঁলোকে ছিজন আৰম্ভ কৰিব বুলি ছাইনা নেহৱালে জানিবলৈ দিছে৷ উল্লেখ্য যে ভাৰতৰ আন এগৰাকী তাৰকা শ্বাটলাৰ পি ভি সিন্ধুৱে ইতিমধ্যে প্রতিযোগিতাখনৰ পৰা নাম প্রত্যাহাৰ কৰিছে৷ কিদাম্বি শ্রীকান্ত, লক্ষ্য সেন, অজয় জয়ৰাম আৰু শুভাংকৰ দে’ই ডেনমার্ক অ’পেনত ভাৰতক প্রতিনিধিত্ব কৰিব৷