বিশেষ বাৰ্তা, ১৯ মাৰ্চঃ বিশ্বকাপত অষ্ট্ৰেলিয়াৰ বিৰুদ্ধে আৰু এক ব্যক্তিগত মাইলষ্ট’ন স্পর্শ কৰিলে মিতালী ৰাজে। বিশ্বকাপত সর্বাধিক অর্ধ শতক কৰাৰ অভিলেখ স্পর্শ কৰিলে অভিজ্ঞ বেটছমেনগৰাকীয়ে। অকলেণ্ডৰ ইডেন পার্কত এদিনীয়া আন্তঃর্জাতিক ক্রিকেটত শণিবাৰে ৬৩ সংখ্যক অর্ধ শতৰাণ অৰ্জন কৰিলে মিতালীয়ে। চলিত বছৰত এইটোৱে মিতালীৰ প্রথম অর্ধশতক। খেলুৱৈগৰাকীয়ে বিশ্বকাপত সর্বাধিক ১২ টা অর্ধশতকৰ অভিলেখ গঢ়িলে। নিউজিলেণ্ডৰ প্রাক্তন বেটাৰ ডেবী হকলেই ১২টা অর্ধ শতক কৰিছিল বিশ্বকাপত। বেটিং হিচাপত যুগ্মভাৱে শীর্ষত থাকিলেও অধিনায়ক হিচাপে বিশ্বকাপত সকলোতকৈ বেছি অর্ধশতক অৰ্জনৰ অভিলেখ কৰিলে ভাৰতীয় বেটাৰগৰাকীয়ে। বিশ্বকাপৰ অধিনায়ক হিচাপে অষ্টম অর্ধশতক কৰিলে মিতালীয়ে।