বিশেষ বাৰ্তা, ৯ এপ্ৰিলঃ ভাৰতীয় ক্ৰিকেটৰ অন্যতম সফল কেপ্টেইন হিচাপে জনাজাত মহিন্দ্ৰ সিং ধোনী। ২০২০ চনত আন্তঃৰ্জাতিক ক্ৰিকেটৰ পৰা বিদায় লোৱাৰ পাছতো আজিও কমা নাই ধোনীৰ অনুৰাগীৰ সংখ্যা। এইজন ক্ৰিকেটাৰে এতিয়া আই পি এলৰ পথাৰত চেন্নাই ছুপাৰ কিংছৰ হৈ খেলি সকলোকে মনোৰঞ্জন দি আছে। ব্যক্তিগত জীৱনৰ কথা ক’লে পত্নী সাক্ষীৰ সৈতে সুখৰ সংসাৰ ধোনীৰ। তেওঁলোকৰ আছে এটি কণমানি সন্তান। কিন্তু সাক্ষীক লগ পোৱাৰ আগতে এইজন তাৰকা খেলুৱৈৰ বহুতৰে সৈতে হৈছিল প্ৰেমৰ সম্পৰ্ক। সেই প্ৰেয়সীৰ তালিকাত আছে কেইবাজনীও নামী অভিনেত্ৰীৰ নাম। চাওঁ আহকচোন-
ৰায় লক্ষ্মীঃ ম’ডেল-দক্ষিণৰ জনপ্ৰিয় অভিনেত্ৰী তথা বলীউডৰ জুলী-২ ছবিৰ অভিনেত্ৰী ৰাই লক্ষ্মীৰ সৈতে ২০০৮-০৯ চনত ‘ডেট’ত গৈছিল হাৰ্টথ্ৰব খেলুৱৈজনে। তেতিয়া বহু পাৰ্টীত দুয়োকে একেলগে দেখা গৈছিল। কিন্তু সম্পৰ্ক বেছিদিনলৈ নিটিকিল। ২০১৪ চনত এক সাক্ষাংকাৰত অভিনেত্ৰীগৰাকীয়ে কৈছিল যে ধোনীৰ সৈতে তেওঁৰ সম্পৰ্ক এটা ক্ষত বা দাগ হৈ ৰৈ গ’ল জীৱনত।
প্ৰিয়ংকা ঝাঃ যিসকলে ধোনীৰ জীৱনভিত্তিক ছবি ‘এম এছ ধোনীঃ দ্য আনটোল্ড ষ্টোৰী’খন চাইছে, তেওঁলোকে জানেই যে ভাৰতীয় ক্ৰিকেটাৰজনৰ প্ৰথম প্ৰেম আছিল প্ৰিয়ংকা ঝা। কিন্তু এক দূৰ্ঘটনাত প্ৰিয়ংকাৰ মৃত্যু হোৱাৰ পাছত হৃদয় ভাঙিছিল ধোনীৰ।
প্ৰীতি ছিমোয়েছঃ মুম্বাইৰ টেলিভিছন প্ৰযোজক প্ৰীতি ছিমোয়েছৰ সৈতে ভাৰতীয় উইকেট কীপাৰজনৰ সম্পৰ্ক থকাৰ কথাও এসময়ত খুব চৰ্চা হৈছিল। প্ৰীতি হ’ল ‘ক’মেডী নাইট উইথ কপিল’ অনুষ্ঠানৰ ক্ৰিয়েটিভ ডাইৰেক্টৰ। দুয়োৱে খুব গোপনে লগ কৰিছিল।
দীপিকা পাডুকোনঃ ২০০৭ চনত ধোনীয়ে প্ৰেমত হাবুডুবু খাইছিল বলীউডৰ জনপ্ৰিয় আৰু মোহময়ী অভিনেত্ৰী দীপিকা পাডুকোনৰ। সেই সময়ত দুয়োজনে আছিল জনপ্ৰিয়তাৰ শীৰ্ষত। এফালে ‘ঔম শান্তি ঔম’ ছবিখনেৰে দীপিকাৰ বলীউডত ধামাকা আৰু আনপিনে টি২০ বিশ্বকাপত ভাৰতৰ সাফল্য। কিন্তু সেই সম্পৰ্কও মাত্ৰ কেইদিনমানহে বৰ্তি থাকিল।
আছিনঃ ‘গজনি’ অভিনেত্ৰী আছিন আৰু ধোনীয়েও এসময়ত ডেটত যোৱাৰ কথা সংবাদ মাধ্যমত প্ৰকাশ হৈছিল। দুয়োকে এটা বাণিজ্যিক বিজ্ঞাপনতো একেলগে দেখা গৈছিল। তেওঁলোকৰ মাজত বন্ধুত্বও হৈছিল আৰু সেই বন্ধুত্ব প্ৰেমলৈও ৰূপান্তৰ হৈছিল।