নিয়মীয়া বাৰ্তা, ২০ আগষ্টঃ ছ’চিয়েল মিডিয়াৰ যোগেদি সহজেই প্ৰিয় তাৰকাসকলৰ কাষ চাপিব পাৰি । কিয়নো তেওঁলোকৰ দৈনিক গতি বিধিৰ খবৰ বা সকলো আপডেট তেওঁলোকৰ ছ’চিয়েল মিডিয়া একাউণ্টত পোৱা যায় । সেইমতে অনুৰাগীসকলৰ সৈতে তাৰকাসকলেও ভালপাই তেওঁলোকৰ মনৰ বতৰা ভাগকৰি ।
ইয়াৰ থিক ব্যতিক্ৰম নহয় ভাৰতীয় ক্ৰিকেট তাৰকা হাৰ্দিক পাণ্ডিয়াও । তেওঁ বিয়াৰ পৰা পিতৃ হোৱাৰ অনুভৱলৈকে সকলো নিজৰ খবৰ ছ’চিয়েল মিডিয়া প্লেটফৰ্মতে দিছিল । তেওঁৰ অনুৰাগীসকলে তেওঁলোকৰ এই ফটোসমূহ চাই যদিও ভাল পাই বা অনুকৰণ কৰিব বিচাৰে কিন্তু পত্নী নাতাশাৰ সৈতে অন্তৰংগ মূহুৰ্তৰ এখন ফটো পছন্দ কৰা নাই ইনষ্টাগ্রামে । যাৰ বাবে এখন ফটো ডিলিট কৰি দিলে ফেচবুক অধীনত্ব এই প্লেটফৰ্মে ।
নাতাশাই এই কথা নিজেই তেওঁৰ ইনষ্টাগ্রামযোগে প্ৰকাশ কৰিছে । ইয়াৰ এক স্ক্ৰিনশ্বটো চেয়াৰ কৰিছে নাতাশাই । তাত ইনষ্টাগ্রামে লিখিছেঃ সেয়া তেওঁলোকৰ পলিচিৰ বিৰুদ্ধে প’ষ্ট । যি সমাজৰ বাবে সঠিক নহয় । কিন্তু ইনষ্টাগ্রামৰ এই কামত তীব্ৰ অসন্তুষ্ট প্ৰকাশ কৰিছে নাতাশাই ।
উল্লেখ্য যে ইনষ্টাগ্রামে ডিলিট কৰা এই ছবিখনত নাতাশাক হাৰ্দিকে চুম্বন কৰি থকা দেখা গৈছিল ।