নিয়মীয়া বাৰ্তা ২৮ জুনঃ অলিম্পিকত চাৰিটাকৈ স্বর্ণ পদক জয় কৰা মার্কিন টেনিছ তাৰকা ছেৰেনা উইলিয়ামছক সমাগত টকি’ অলিম্পিকত দেখিবলৈ পোৱা নাযাব৷ ২৩ বাৰৰ গ্রেণ্ডশ্লেম বিজয়ী বর্ষীয়ান তাৰকাগৰাকীয়ে আজি এই কথা জানিবলৈ দিয়ে৷ ৩৯ বছৰীয়া মহিলা টেনিছ তাৰকাগৰাকীয়ে নাম প্রত্যাহাৰ কৰাৰ পিছত টকি’ অলিম্পিকৰ টেনিছ ইভেণ্টৰ আকর্ষণ যথেষ্টখিনি হ্রাস পালে৷ কিয়নো, ইয়াৰ পূর্বে স্পেনিছ তাৰকা ৰাফেল নাডালেও মেগা ইভেণ্টখনত নেখেলাৰ সিদ্ধান্ত লৈছে৷ ন’ভাক জ’কভিচ আৰু ৰ’জাৰ ফেডেৰাৰো অলিম্পিকক লৈ এতিয়াও নিশ্চিত নহয়৷ উল্লেখ্য যে অহা ২৪ জুলাইৰ পৰা ১ আগষ্টলৈ টকি’ অলিম্পিকৰ টেনিছ ইভেণ্ট অনুষ্ঠিত হ’ব৷ ইফালে, অলিম্পিকৰ বাবে ঘোষিত স্পেনিছ দলত স্থান লাভ কৰিছে অভিজ্ঞ তাৰকা কার্লা ছুৱাৰেজ নাভাৰোৱে৷ বিশ্বৰ প্রাক্তন ষষ্ঠ স্থানপ্রাপ্ত তাৰকাগৰাকীক অৱসৰৰ পূর্বে সন্মানজনকভাৱে বিদায় দিবলৈ স্পেনিছ টেনিছ ফেডাৰেচ।