নিয়মীয়া বাৰ্তা ২৯ মেঃ এছিয়ান বক্সিং চেম্পিয়নশ্বিপৰ ফাইনেলত স্থান সুৰক্ষিত কৰিছে অসম সন্তান শিৱ থাপাই৷ দুবাৰৰ অলিম্পিয়ান গুৱাহাটীৰ বক্সাৰগৰাকীয়ে শুকুৰবাৰে ডুবাইত অনুষ্ঠিত ছেমি ফাইনেলত সহজ জয় সাব্যস্ত কৰে৷ এই জয়েৰে শিৱই প্রতিযোগিতাখনত অতি কমেও ৰূপৰ পদক জয় কৰাটো নিশ্চিত কৰিছে৷ ইফালে, ডিফেণ্ডিং চেম্পিয়ন অমিত পাংহালেও ফাইনেললৈ উন্নীত হৈছে৷ শুকুৰবাৰে অনুষ্ঠিত ছেমিফাইনেলত শীর্ষ বাছনিপ্রাপ্ত ভাৰতীয় তাৰকাগৰাকীয়ে কাজাখস্তানৰ ছাকেন বিব’ছিন’ভক ৫–০ৰ ব্যৱধানত পৰাস্ত কৰিবলৈ সক্ষম হয়৷