নিয়মীয়া বাৰ্তা, ২৫ মাৰ্চঃ জাৰ্মান কোম্পানী BMW গ্ৰুপে আজি মুকলি কৰে ইয়াৰ প্ৰিমিয়াম মটৰচাইকেল BMW M1000 RR। ভাৰতত এই মটৰচাইকেলখনৰ মূল্য ৪২ লাখ টকা (এক্স-শ্ব’ৰুম) হ’ব বুলি জানিব পৰা গৈছে।
ভাৰতত BMW মটৰচাইকেলৰ সকলো ডীলাৰতে আজিৰ পৰা উক্ত বাহনখন সম্পূৰ্ণ সজ্জিত অৱস্থাত পোৱা যাব। মটৰচাইকেলখন দুটা প্ৰকাৰত উপলব্ধ হ’ব BMW M 1000 RR, ইয়াৰ মূল্য ৪২ লাখ টকা আৰু BMW M 1000 RR Competition, ইয়াৰ মূল্য ৪৫ লাখ টকা কৰা হৈছে।
BMW M 1000 RRৰ চিচি ৯৯৯, ৪-চিলিণ্ডাৰ ইন-লাইন ইঞ্জিনৰ দ্বাৰা চালিত আৰু ২১২ hpৰ শীৰ্ষ আউটপুট। ই ৩.১ ছেকেণ্ডত ০-১০০ কিলোমিটাৰৰ পৰা ত্বৰান্বিত হ’ব পাৰে আৰু সৰ্বাধিক ৩০৬ কিলোমিটাৰ/ঘণ্টা গতি প্ৰাপ্ত কৰিব পাৰে। ই চাৰিটা ৰাইডিং মোডৰ সৈতে আহে- ৰেইন, ৰোড, ডাইনেমিক আৰু ৰেচ।
BMW গ্ৰুপ ইণ্ডিয়াৰ সভাপতি বিক্ৰম পাৱাহে কয়,”সকলো নতুন BMW M 1000 RR বাইক নিৰ্মাণ কৰা হৈছে দ্ৰুত দৌৰৰ বাবে। ই সম্পূৰ্ণতাৰে এগৰাকী চালকক সহযোগ কৰিব পাৰে। ইয়াৰ শক্তিশালী ইঞ্জিন, সুন্দৰ ডিজাইন আৰু একক সঁজুলিৰ সৈতে সকলো-নতুন BMW M 1000 RR ৰেচট্ৰেক আৰু দৈনন্দিন ব্যৱহাৰৰ বাবে উপযুক্ত।”