নিয়মীয়া বাৰ্তা, ৩ ফেব্ৰুৱাৰী : জোনাইত আজি পূৱ জোনাই মণ্ডলৰ বিজেপিৰ কাৰ্যালয়ত পূৱ জোনাই মণ্ডল মহিলা মৰ্চা মণ্ডলৰ বিষয়ববীয়া সভা অনুষ্ঠিত হয়৷ পূৱ জোনাই মহিলা মৰ্চা সধাৰণ সম্পাদিকা দেৱীলতা দলে গগৈৰ উদ্দেশ্য ব্যাখ্যা কৰা আৰু সভানেত্ৰী মধুমিতা পেগু দলেই আদৰণী ভাষণ আগবঢ়োৱা সভাত সাংগঠনিক দিশত মহিলা মৰ্চাৰ ভূমিকা ওপৰত বিতংকৈ বক্তব্য ৰাখে মহিলা মৰ্চা ধেমাজি জিলা সভানেত্ৰী নিবেদিতা দাস দেউৰী আৰু পূৱ জোনাই মণ্ডল বিজেপিৰ সভাপতি আদিত্য বৰুৱাই৷
জোনাই সমষ্টিৰ পূৱ আৰু পশ্চিম জোনাই মণ্ডলৰ বিভিন্ন বুথ সমূহৰ সাংগঠনিক দিশৰ লগতে সহযোগ নিধিৰ ওপৰত আলোচনা কৰি পূৱ জোনাই মণ্ডলৰ সভাত ধেমাজি জিলাৰ বিজেপিৰ সভাপতি প্ৰেম দত্ত উপস্থিত থাকি মহিলা মৰ্চাৰ কৰ্মীসকলৰ সৈতে চিনাকি হৈ আগন্তুক মিচিং জনগোষ্ঠীৰ আলি আই লৃগাঙৰ ওলগ জনায় বিজেপিৰ সাংগঠনিক ভেটি অধিক মজবুত কৰাৰ ওপৰত গুৰুত্ব আৰোপ কৰি বিশেষকৈ বুথৰ পৰা জিলা পর্যায়লৈ সাংগঠনিক দিশ অধিক শক্তিশালী কৰাৰ বাবে উপস্থিত মহিলা মৰ্চাৰ কার্যকর্তা আৰু বিষয়ববীয়াসকলক আহ্বান জনায়৷
তদুপৰি দলৰ পৰা নির্বাচিত হোৱা প্রতিগৰাকী জনপ্রতিনিধিৰ সৈতে সু–সম্পর্ক ৰক্ষা কৰাৰ সমান্তৰালকৈ ৰাষ্ট্রীয় নেতৃত্বই বান্ধি দিয়া প্রতিটো কাম নিষ্ঠাসহকাৰে পালন কৰি দলৰ ভেটি অধিক শক্তিশালী কৰাৰ বাবে প্রতিগৰাকী কার্যকর্তাক আহ্বান জনায়৷ সভাত বিজেপিৰ ধেমাজি জিলা সভাপতি প্ৰেম দত্তই দলৰ সাংগঠনিক দিশ অধিক শক্তিশালী কৰাত গুৰুত্ব আৰোপ কৰে৷ উক্ত সভাত ভাৰতীয় জনতা পাৰ ধেমাজি জিলা সাধাৰণ সম্পাদক পাৰ্থ ছেত্ৰী , ৰাজ্যিক মহিলা আয়োগৰ সদস্যা ৰূপা কামান লগতে বিজেপিৰ ধেমাজি জিলাৰ বিষয় ববীয়া আৰু পূৱ জোনাই মণ্ডলৰ বিষয় ববীয়া উপস্থিত থাকে৷
প্ৰেৰক কৰবী দলে