নিয়মীয়া বাৰ্তা, ধলপুৰ, ২৫ মাৰ্চঃ লখিমপুৰ জিলাৰ ধলপুৰ বিহু বাকৰিত অহা ২৬ মাৰ্চৰ পৰা ৬ এপ্ৰিললৈকে এখনি বিহু কৰ্মশালা আয়োজন কৰা হৈছে ৷ বিহপুৰীয়া আঞ্চলিক বিহু সুৰক্ষা সমিতিৰ সহযোগত নৃত্য তৰংগনী কলা আৰু সাংস্কৃতিক বিদ্যালয় (ধলপুৰ, নাৰায়ণপুৰ) ৰ উদ্যোগত এই বিহু নাচ আৰু ঢোল বাদনৰ কৰ্মশালা আয়োজন কৰা হৈছে। উক্ত কৰ্মশালাত প্ৰশিক্ষক হিচাপে উপস্থিত থাকিব ৰাজ্যিক প্ৰশিক্ষণপ্ৰাপ্ত জেছিকা ভূঞাৰ লগতে অভিজিত বনিয়া, বিতোপন বৰা আৰু প্ৰশান্ত বৰুৱা। ইচ্ছুক সাংস্কৃতিকপ্ৰেমীসকলে কৰ্মশালাত অংশগ্ৰহণ কৰিবলৈ তৰংগনী কলা আৰু সাংস্কৃতিক বিদ্যালয়ৰ মুখ্য পৰিচালক চন্দ্ৰ বৰাৰ লগত ৮৪৭২৯-৯৯২৯৯ যোগাযোগ কৰিবলৈ উদ্যোগতা সকলে আহ্বান জনাইছে।