নিয়মীয়া বাৰ্তা, ২ এপ্ৰিল: আকাশলংঘী মূল্যবৃদ্ধিৰ বিৰুদ্ধে চিপিএমে আজি আহ্বান জনোৱা দেশজোৰা প্ৰতিবাদৰ প্ৰতি সঁহাৰি জনাই ৰঙিয়া চহৰতো পথসভা আৰু শোভাযাত্ৰা কৰা হয় । বামপন্থী দলটোৰ ৰঙিয়া সমিতিয়ে কাৰ্যালয়টোৰ পৰা নগৰখনৰ মাজমজিয়াৰে সমদল কৰি চৰকাৰ বিৰোধী শ্লোগানেৰে পৰিবেশ উত্তাল কৰি তোলে । পেট্ৰ’ল , ডিজেল , ৰন্ধন গেছ , ঔষধ , নিৰ্মাণ সামগ্ৰীকে ধৰি অত্যাৱশ্যকীয় সামগ্ৰীৰ ধাৰাবাহিক মূল্যবৃদ্ধি ৰোধত চৰকাৰ ব্যৰ্থ হোৱা বুলি প্ৰতিবাদকাৰী সকলে ক্ষোভ উজাৰে ।