নিয়মীয়া বাৰ্তা, ১৩ এপ্ৰিলঃ সমগ্ৰ ৰাজ্যজুৰি ৰঙালি বিহুৰ উৰুকাৰআনন্দ উল্লাস চলি থকাৰ মাজতে আজি ডবকাৰ ভেলৌগুৰিৰ সংগঠিত হৈছে এক শোকাবহ পথ দুৰ্ঘটনা ৷ ডবকাৰ ভেলৌগুৰিৰ পাৱাৰ গ্ৰীডৰ সমীপত চাৰিলেন যুক্ত ২৭ নং ৰাষ্ট্ৰীয় ঘাইপথত AS01 AW 4613 নম্বৰৰ ইনভা গাড়ীয়ে নিয়ন্ত্ৰন হেৰুৱাই পথৰ দাতিত থকা এখন দলংৰ ৰেলিংত খুন্দিয়াই দুৰ্ঘটনাত পতিত হয় ৷ দুৰ্ঘটনাৰ ফলত গাড়ী খনত অহা শিশু মহিলা সহ একে পৰিয়ালৰ পাছ জন আৰু গাড়ী চালক সহ মুঠ ছয় জন নিহত হয় ৷ বাকী চাৰিজন গুৰুতৰ ভাবে আহত হয় ৷ আহত সকলক ডবকা ৩০ খন বিচনাযুক্ত চিকিৎসালয়ত প্ৰাথমিক চিকিৎসাৰ অন্তত অতি সংকত জনক অৱস্থাত গুৱাহাটীলৈ প্ৰেৰন কৰা হয় ৷ নিহত সকল হল ক্ৰমে চালক হেলাল উদ্দিন , মিনহাজ উদ্দিন , নাজিম উদ্দিন ,আফৰিদ আলম(শিশু) , নিফা জান্নাত (শিশু) মৃত আন এগৰাকী মহিলাৰ নাম জানিব পৰা হোৱা নাই ৷ আহত আৰু নিহত সকলৰ ঘৰ হোজাই জিলাৰ মোৰাঝাৰ আৰক্ষী থানাৰ অন্তৰ্গত কৰৈউনি গাৱত ৷ নাজিম উদ্দিন নামৰ লোকজন দীৰ্ঘদিন ধৰি কৰ্মসূত্ৰে কুৱেটত আছিল ৷ আজি তেওঁ কুৱেটৰ পৰা নিজ গৃহ অভিমুখে আহি আছিল ৷ তেওঁৰ নিজ গৃহলৈ আগবঢ়াই আনিবলৈ পত্নী,ভাতৃ,মাতৃ,পুত্ৰ ,কন্যা সহ আঠজন লোক গুৱাহাটী লোকপ্ৰিয় গোপীনাথ বৰদলৈ আন্তঃৰাষ্ট্ৰীয় বিমান বন্দৰলৈ গৈছিল ৷ পাছত নাজিম উদ্দিনক লগত লৈ উভতি অহাৰ সময়তে ডবকাৰ ভেলৌগুৰিত গাড়ী খন দুৰ্ঘটনাত পতিত হয় ৷
প্ৰেৰক ছইফ লস্কৰ