আজাদী কা অমৃত মহোৎসৱৰ লগত সংগতি ৰাখি এছএছবিৰ বিজনীস্থিত ৫৪নং বেটেলিয়নৰ মুখ্য কাৰ্যালয়ত ৰক্তদান শিবিৰ

নিয়মীয়া বাৰ্তা, ২২ মেঃ আজি সশস্ত্ৰ সীমা বল চমুকৈ এছএছবিৰ ৫৪ নং বেটেলিয়নৰ দশম প্ৰতিষ্ঠা দিৱস। সশস্ত্ৰ সেনানী দলটোৰ প্ৰতিষ্ঠা দিৱসৰ লগত সংগতি ৰাখি আজি বিজনীস্থিত SSB ৰ 54 নং বেটেলিয়নৰ মুখ্য কাৰ্যালয়ত আয়োজন কৰা হয় প্ৰতিষ্ঠা দিৱসৰ।তদুপলক্ষে SSB য়ে প্ৰতিষ্ঠা দিৱস আৰু দেশৰ স্বাধীনতাৰ ৭৫ বছৰ পূৰ্ণ হোৱা উপলক্ষে কেন্দ্ৰীয় চৰকাৰে পালন কৰি অহা আজাদী কা অমৃত মহোৎসৱৰ লগত সংগতি ৰাখি বিজনীৰ আনন্দবজাৰস্থিত বেটেলিয়নটোৰ মুখ্য কাৰ্যালয়ত ৰক্তদান শিবিৰ আয়োজন কৰে। ৰক্তদান শিবিৰৰ জৰিয়তে SSBৰ ৫৪ নং বেটেলিয়নৰ ৯০ জন বিষয়া- জোৱানে ৰক্তদান কৰে ৷সংগ্ৰহ কৰা ৰক্ত সমূহ বৰপেটা ফকৰুদ্দিন আলী আহমেদ মেডিকেল কলেজ হস্পিতালত প্ৰদান কৰা হ’ব বুলি বেটেলিয়নৰ সুত্ৰই প্ৰকাশ কৰিছে ৷

প্ৰেৰক বৰ্ণালী তালুকদাৰ