চাৰিদুৱাৰৰ এছডিচি অদিতি গগৈৰ মহানুভৱতা :: গুণোৎসৱৰ বহিঃমূল্যায়ক হিচাপে পুনৰ বিদ্যালয়লৈ আগবঢ়ালে নগদ ধন

নিয়মীয়া বাৰ্তা, ৩ মে :: শোণিতপুৰৰ বালিপৰাত অব্যাহত আছে তৃতীয় পৰ্যায়ৰ গুণোৎসৱ প্ৰক্ৰিয়া । এই গুণোৎসৱত বহিঃমূল্যায়ক হিচাপে কৰ্তব্য সম্পাদন কৰি সকলোৰে দৃষ্টি আকৰ্ষণ কৰিবলৈ সক্ষম হৈছে এগৰাকী প্ৰশাসনিক বিষয়াই । প্ৰশাসনিক বিষয়াগৰাকী হ’ল চাৰিদুৱাৰ ৰাজহ চক্ৰ বিষয়া কাৰ্যালয়ৰ চক্ৰ বিষয়া অদিতি গগৈ । অদিতি গগৈয়ে বহিঃমূল্যায়ক হিচাপে কালি বালিপৰা শিক্ষাখণ্ডৰ বাকোলা মৰিসূঁতি বিদ্যালয়ত চিলিং ফেনৰ বাবে আগবঢ়াইছিল দহ হাজাৰ টকা । আজি পুনৰ গগৈয়ে বালিপৰা শিক্ষাখণ্ডৰ ননকে বাকোলা প্ৰাথমিক বিদ্যালয়ত বহিঃমূল্যায়ক হিচাপে বিদ্যালয়খনত উপস্থিত হৈ নিজৰ শৈশৱক সুঁৱৰি নষ্টালজিক হৈ পৰাৰ লগতে বিদ্যালয়খনৰ উন্নয়নৰ স্বাৰ্থত চিলিং ফেন ক্ৰয়ৰ বাবে দহ হাজাৰ টকা বিদ্যালয়ত আগবঢ়াই পুনৰ মহানুভৱতাৰ পৰিচয় দাঙি ধৰিছে ।

প্ৰেৰক প্ৰাঞ্জল প্ৰতিম বৰা