নিয়মীয়া বাৰ্তা, ১৬ জুনঃ ৰাজ্যৰ বিভিন্ন প্ৰান্তৰ লগতে ৰঙিয়াতো বানৰ বিভীষিকাময় পৰিস্থিতি । ৰঙিয়াৰ কোঠৰাত বানত জলমগ্ন হৈছে সমগ্ৰ অঞ্চল । নিশাৰ ভিতৰতে নোনা নৈৰ বাঢ়ণী পানীয়ে সমগ্ৰ অঞ্চল প্লাৱিত কৰি তুলিছে । বিশেষকৈ বটাকুছিৰ পৰা কোঠৰালৈ যোৱা পথটো বানত সম্পূৰ্ণ বুৰ গৈছে । এই প্ৰলয়ংকাৰী বানৰ বাবে অতি বিপজ্জনকভাৱে যাতায়ত কৰিব লগা হৈছে । আনহাতে বহু পৰিয়ালৰ ঘৰ বানত জলমগ্ন হৈ পৰিছে । পশুধনৰ খাদ্যৰ অভাৱত হাহাকাৰ অৱস্থাৰ সৃষ্টি হৈছে । হাজাৰ হাজাৰ বিঘাৰ কৃষিভূমি বিনষ্ট হোৱাত খেতিয়ক সকলে মূৰে কপালে হাত দিব লগা হৈছে । পুখুৰীৰ পৰা মাছ ওলাই যোৱাত মীন পালক সকল সৰ্বস্বান্ত হয় । এন এক ভয়াবহ বান পৰিস্থিতিৰ পিছতো কোনো খবৰ লোৱা নাই প্ৰশাসনে ।