নিয়মীয়া বাৰ্তা, ৩ ছেপ্টেম্বৰঃ বঙাইগাঁও জিলাৰ যোগীঘোপা থানাৰ অন্তৰ্গত পাল্লীৰতলত আজি তিনি গভাইত চোৰক আটক স্থানীয় ৰাইজে আটক কৰি আৰক্ষীক গতাই দিয়ে ।বিদ্যালয়ৰ পৰা লেপটপ চুৰি কৰি ৫০০ টকাত বিক্ৰী কৰিব’লৈ গৈ ৰাইজৰ হাতত আটক হয় তিনি চোৰ ।আটকাধীন চোৰ কেইজন ক্ৰমে, কাবাইটাৰীৰ আনোৱাৰ হুছেইন ,কৰেয়া পাহাৰ গাঁৱৰ মোনছুৰ আলীৰ লগতে এজন ১৭ বছৰীয়া কিশোৰ বুলি জনা গৈছে।ঘটনা সন্দৰ্ভত জানিব পৰা মতে, পৰহী নিশা চোৰে কাবাইটাৰী জাতীয় বিদ্যালয়ত তলা ভাঙি ভিতৰত প্ৰৱেশ কৰি লেপটপ মনিটৰ, চিচি কেমেৰাৰ লগতে নগদ প্ৰায় ৩২ হাজাৰ টকা লুটি নিয়ে ।বিদ্যালয়খনৰ পৰা চুৰি কৰা লেপটপ এটা ধৃত চোৰ আনোৱাৰ হুছেইন আৰু মোনছুৰ আলীয়ে আজি পাল্লীৰতলত এজন কিশোৰৰ ওচৰত ৫০০ টকাত বিক্ৰী কৰিব’লৈ যায়। গোপন সূত্ৰৰ ভিত্তিত বিদ্যালয় কতৃপক্ষই স্থানীয় ৰাইজৰ সহযোগত চোৰ তিনিজনক আটক কৰি যোগীঘোপা আৰক্ষীক গতাই ।আৰক্ষীয়ে আজি চোৰ তিনিজনক লগত লৈ কাবাইটাৰী জাতীয় বিদ্যালয়ৰ কাষতে থকা পুখুৰী এটাত অভিযান চলাই কম্পিউটাৰ কিছু সামগ্ৰী উদ্ধাৰ কৰে।ঘটনা সন্দৰ্ভত যোগীঘোপা আৰক্ষী তদন্ত অব্যাহত ৰাখে ।
প্ৰেৰক টিংকু চন্দ্ৰ দাস