নিয়মীয়া বাৰ্তা, ২০ অক্টোবৰ : মৰিগাঁৱৰ ভূৰাগাঁও থানাৰ অন্তৰ্গত অদলাভেটি গাঁৱৰ বিবাহিত তথা এটি সন্তানৰ পিতৃ ছাদ্দাম হুছেইন ১৮ অক্টোবৰত ৰঙিয়া ৰেল ষ্টেচনৰ পৰা নিৰুদ্দেশ হয়।উল্লেখ্য যে, বিবাহিত যুৱক ছাদ্দাম হুছেইন কামৰ সন্ধানত দুই বছৰ পূৰ্বে কেৰালাত গৈছিল। দুই বছৰ পিছত ছাদ্দাম কেৰালাৰ পৰা নিজ ঘৰত আহি থকা অৱস্থাত ৰঙিয়া ৰেল ষ্টেচনত ভুলক্ৰমে নামি গৈছিল। তেতিয়াৰ পৰাই সন্ধানহীন হয় ছাদ্দাম। পৰিয়ালৰ লোকে খবৰ পাই ৰঙিয়াত গৈছিল আৰু ছাদ্দাম হুছেইনৰ পিন্ধন কাপোৰ কানি পায়। কিন্তু পৰিয়ালৰ লোকে ছাদ্দামক বিচাৰি পাবলৈ সক্ষম নহল। তিনি দিন ধৰি পৰিয়ালৰ লোকে বিচাৰ খোঁচাৰ কৰি ছাদ্দাম সন্ধান উলিয়াব পৰা নাই। ছাদ্দাম হুছেইনৰ নিৰুদ্দেশ হোৱাত পৰিয়ালৰ মাজত হাহাকাৰ লাগিছে। কোনোবা সদাশয় ব্যক্তিয়ে ছাদ্দামৰ সন্ধান পালে 99545-14381আৰু 70027-04580 নম্বৰত যোগাযোগ কৰিবলৈ পৰিয়ালৰ লোকে অনুৰোধ জনাইছে।