নিপন গোস্বামী–বিদ্যা ৰাও নায়াৰক নুমলীগড় শোধনাগাৰৰ সম্বর্ধনা

নিয়মীয়া বাৰ্তা ১৫ ফেব্ৰুৱাৰীঃ অসমীয়া ছবি জগতৰ দুগৰাকী স্বনামধন্য অভিনেতা–ভিনেত্রী ক্রমে নিপন গোস্বামী আৰু বিদ্যা ৰাও নায়াৰক অসমীয়া সমাজ–সংস্কৃতিৰ ক্ষেত্রলৈ, বিশেষকৈ অসমীয়া চলচ্চিত্র জগতলৈ আগবঢ়োৱা উল্লেখযোগ্য বৰঙণিৰ বাবে নুমলীগড় শোধনাগাৰ লিমিটেডে বৃহস্পতিবাৰে তেওঁলোকৰ বাসগৃহত সম্বর্ধনা জ্ঞাপন কৰে৷ এনআৰএলৰ পৰিচালন সঞ্চালক এছ কে বৰুৱাই দুয়োগৰাকী অভিনেতা–ভিনেত্রীৰ বাসগৃহত উপস্থিত হৈ তেওঁলোকক ফুলাম গামোচা আৰু প্রশস্তি–পত্র প্রদান কৰি সম্বর্ধনা জনাই কিছু সময় তেওঁলোকৰ সৈতে কটাই উভয়ৰে সু–স্বাস্থ্যৰ কামনা কৰে আৰু অসমীয়া কৃষ্টি–সংস্কৃতিৰ ক্ষেত্রলৈ তেওঁলোকে আগবঢ়োৱা অনবদ্য অৱদানৰ বাবে দুয়োগৰাকীকে এনআৰএলৰ তৰফৰ পৰা ডেৰ লাখ টকাকৈ অনুদান আগবঢ়োৱাৰ কথা প্রকাশ কৰে৷