নিয়মীয়া বাৰ্তা ১৮ ফেব্ৰুৱাৰীঃ চিৰাঙত এজন দুর্ধর্ষ কে এল অ’ সদস্যক আৰক্ষী আৰু সেনাই কৰায়ত্ত কৰে৷ সেনা আৰু আৰক্ষীৰ যৌথ অভিযানত কৰায়ত্ত হোৱা কে এল অ’ সদস্যজনৰ জিম্মাৰ পৰা মাৰণাস্ত্র আৰু সক্রিয় গুলী আদি উদ্ধাৰ কৰা হয়৷ সোমবাৰে সেনাৰ চিৰাং শিবিৰৰ সূত্রই সংবাদ মাধ্যমক জানিবলৈ দিয়া মতে, দেওবাৰে যৌথ অভিযানকাৰী দলে বিশেষ সূত্রে লাভ কৰা তথ্যৰ আধাৰত বাসুগাঁও অঞ্চলত তালাচী চলাই কে এল অ’ৰ বাংলাদেশ শিবিৰত প্রশিক্ষিত দুর্ধর্ষ সদস্যজনক আটক কৰে৷ আটক কৰা কে এল অ’ সদস্যজনৰ পৰা আমেৰিকাত নির্মিত এটা অত্যাধুনিক পিষ্টল, কেইবাটাও সক্রিয় গুলী আৰু অন্যান্য পিষ্টল, গুলী–বাৰুদ উদ্ধাৰ কৰি জব্দ কৰে৷ কে এল অ’ সদস্যজনক দুর্ধর্ষ উগ্রপন্থী চিত্রা বর্মন বুলি চিনাক্ত কৰে৷